Nigina Abduraimova Franciyadagi turnirda 1/4 finalga chiqdi

Mukofot jamg'armasi 60 ming evroni tashkil etuvchi ushbu turnirda hamyurtimiz Nigina Abduraimova ham muvaffaqiyatli ishtirok etyapti. Mamlakatimizning birinchi raketkasi musobaqada ikkita uchrashuvda raqibalarini engib, chorak finalga yo'l oldi.

Dunyoning 181-raketkasi bo'lib turgan Abduraimova avvaliga birinchi davrada reytingning 393-pog'onasida borayotgan franciyalik Emelin Dartronni 6/4, 6/2 hisobida engdi. Bugun esa 1/8 finalda mezbonlarning yana bir vakili, reytingda 418-o'rinni band etgan Emma Lenedan 7/5, 6/1 hisobida ustun keldi.