10 noy 22:55
Yangiliklar
Osiyo chempionati: 7 nafar bokschimiz finalda, 3 nafari esa bronza bilan kifoyalandi
Ushbu sahifa orqali o'zbekistonlik bokschilarning natijalaridan xabardor bo'lishingiz mumkin bo'ldi.
Yarim final yakunlariga ko'ra, 7 nafar bokschimiz g'alaba qozonib, finalga yo'l oldi. 3 nafar vakilimiz esa bronza bilan kifoyalanadi.
-54 kg: SHahzod Muzaffarov - Mahmud Sabirxan (Qozog'iston) (mag'lubiyat)
-60 kg: Athamjon Muhiddinov - Bayarhuu Buyandalai (Mo'g'uliston) (mag'lubiyat)
-67 kg: Asadxo'ja Mo'ydinxo'jaev - Dulat Bekbauov (Qozog'iston) (mag'lubiyat)
-75 kg: Saidjamshid Jafarov - Sumit (Hindiston) (g'alaba)
+92 kg: Lazizbek Mullojonov - Narender (Hindiston) (g'alaba)
-51 kg: Hasanboy Do'smatov - Harkhuu Enhmandah (Mo'g'uliston) (g'alaba)
-57 kg: Abdumalik Xalakov - Gantumur Lundaa (Mo'g'uliston) (g'alaba)
-63,5 kg: Ruslan Abdullaev - CHu En Lai (Taypeyi) (g'alaba)
-80 kg: Odiljon Aslonov - Omurbek Bekjigit uluu (Qirg'iziston) (g'alaba)
-92 kg: Madiyar Saidrahimov - Ahmat Sulayman Al-Teimat (Iordaniya) (g'alaba)
Final janglari 12 noyabr kuni o'tkaziladi.
Kecha qizlarimizdan 2 nafar bokschi finalga yo'l olgandi, 1 nafari esa bronza medaliga ega chiqdi.
TAFSILOTLAR
-92 kg vazn toifasida Madiyar Saidrahimov iordaniyalik Ahmat Sulayman Al-Teimatni mag'lubiyatga uchratdi va finalga yo'l oldi! Ettinchi final!
-80 kg vazn toifasida Odiljon Aslonov qirg'izistonlik Omurbek Bekjigit uluuga qarshi jang qildi va g'alaba qozondi! Yana bir final!
-63,5 kg vazn toifasida Ruslan Abdullaev Xitoy Taypeyi vakili CHu En Laini ishonchli tarzda 5:0 hisobida mag'lubiyatga uchratdi va finalga yo'l oldi! Beshinchi final!
-57 kg vaznli Abdumalik Xalakov ham yarim final jangini mo'g'ulistonlik Gantumur Lundaaga qarshi o'tkazdi va 5:0 hisobida g'alabaga erishdi. Yigitlarimizdan to'rtinchi final!
-51 kg vazn toifasida Hasanboy Do'smatov mo'g'ulistonlik Harkhuu Enhmandahga qarshi ringga ko'tarildi va 5:0 hisobida g'alaba qozondi. FINAL! Navbatdagi raqib - qozog'istonlik Saken Bibosinov!
Kechki dastur janglarini boshlaymiz!
+92 kg vazn toifasida Lazizbek Mullojonov hindistonlik Narenderga qarshi jang qildi va 5:0 hisobida g'alaba qozondi!
-75 kg vazn toifasida Saidjamshid Jafarov hindistonlik Sumitni 5:0 hisobida mag'lub etdi va finalga yo'l oldi! Endi u finalda qozog'istonlik Nurkanat Rayisga qarshi ringga ko'tariladi.
-67 kg vaznli Asadxo'ja Mo'ydinxo'jaev qozog'istonlik Dulat Bekbauovga qarshi jang qildi va afsuski 2:3 hisobida imkoniyatni boy berib qo'ydi. Yana bir bronza...
-60 kg vazn toifasida Adhamjon Muhiddinov mo'g'ulistonlik Bayarhuu Buyandalaiga qarshi jang qildi va afsuski imkoniyatni boy berib qo'ydi (1:4). Yigitlarimizda ikkinchi bronza!
-54 kg. O'zbek bokschilari ishtirokida kunning dastlabki jang SHahzod Muzaffarov - Mahmud Sabirxan (Qozog'iston) to'qnashuvi bo'ldi. Afsuski bokschimiz ushbu jangda 0:5 hisobida imkoniyatni boy berib qo'ydi va Osiyo chempionatini bronza medali bilan yakunladi.
Bahslarni USHBU LINK orqali jonli efirda tomosha qilishingiz mumkin.
Fikrlar