Rim "Masters". Medvedev muvaffaqiyatli start oldi

Bahslarga ikkinchi davradan qo'shilgan rossiyalik tennischi ATP reytingida 43-pog'onada borayotgan finlyandiyalik Emil Ruusuvuoridan ustun keldi - 6/4, 6/2. Bu tennischilarning o'zaro o'tkazgan ikkinchi uchrashuvi edi - 2:0. Davomiyligi 1 daqiqasi kam 1 yarim soat bo'lgan bahsda Medvedev 6 ta eys, 2 ta qo'shxato va 5 ta breyk qayd etdi. 

Endi Daniil Internazionali BNL d'Italia turnirining 1/16 finalida ispaniyalik Bernabe Sapata Miralesga qarshi kortga chiqadi. U o'z o'rnida avstraliyalik Jeyson Kablerni 6/4, 6/1 hisobida mag'lubiyatga uchratdi.