"Rolan Garros". Dunyoning 59-raketkasi 1/2 finalga chiqdi

Ayollar o'rtasidagi musobaqada ham 1/2 finalning ikki ishtirokchisi malum bo'ldi. WTA reytingida 59-pog'onadan joy olgan italiyalik Martina Trevizan dunyoning 18-raketkasi, kanadalik Leyla Fernandesni 6/2, 6/7(3), 6/3 hisobida mag'lub eta oldi. 

Ikki soatu 19 daqiqa davom etgan bahsda 28 yoshli Trevizan 1 ta eys, 7 ta qo'shxato va shuncha breyk-poyntni amalga oshirdi. 19 yoshli Fernandes esa bitta ham eys zarbani ijro eta olmadi. Bu tennischilarning o'zaro o'tkazgan ilk uchrashuvi edi.