"VTB Kreml Kubogi". Ayollar o'rtasidagi turnir bosh sovrini Estoniyaga ketdi

Bosh sovrin uchun kechgan hal qiluvchi final uchrashuvida dunyoning 20-raketkasi bo'lib turgan estoniyalik 25 yoshli Anett Kontaveyt WTA reytingida 37-pog'onadan joy olgan rossiyalik 25 yoshli Ekaterina Aleksandrovani qiyinchilik bilan mag'lub eta oldi - 4/6, 6/4, 7/5.

Ikki soatu 25 daqiqa davom etgan bahsda Anett ham, Katya ham 5 tadan eys zarbani amalga oshirishdi. Tennischilarning o'zaro uchrashuvlarida Kontaveyt hisobni o'z foydasiga o'zgartirdi - 2:0. Moskvadagi muvaffaqiyatli ishtirok Kontaveytga faoliyatidagi to'rtinchi sovrinni, 68,570 dollar mukofot puli hamda 470 reyting ochkosi keltirdi.