ISU mavsumning eng yaxshilarini elon qildi: Geynish va CHigiryov "eng yaxshi debyutantlar", O'zbekiston sobiq azolari "eng yaxshi murabbiylar" - ularning farzandi esa "eng yaxshi erkak figurali uchuvchi" bo'ldi!

"Ahamiyatlisi, figurali uchish bo'yicha O'zbekiston terma jamoasi azolari Dmitriy CHigiryov hamda Ekaterina Geynish juftligi "Eng yaxshi debyutant" nominaciyasida g'olib bo'ldi. Hamyurtlarimiz joriy mavsum ilk bor kattalar o'rtasidagi xalqaro turnirlarda ishtirok etishdi. SHunga qaramay, Xarbin-2025 qishki Osiyo o'yinlarida oltin, Kanada Gran-prisida kumush medallarga sazovor bo'lishdi. Qolaversa, Boston shahrida o'tgan jahon chempionatida kuchli o'nlikdan joy olib, Milan-Kortina-2026 qishki Olimpiya o'yinlari yo'llanmasini qo'lga kiritdi", deya xabar beradi O'zbekiston MOQ matbuot xizmati.

Tadbir doirasida Geynish va CHigiryovdan tashqari O'zbekistonga oid yana bir nomlar yangradi. Terma jamoamiz sobiq azolari Tatyana Malinina hamda Roman Skornyakov "eng yaxshi murabbiy" nominaciyasida g'olib bo'ldi. Ularning farzandi Ilya Malinin esa kutilganidek erkaklar o'rtasidagi "eng yaxshi figurali uchuvchi" deb topildi.

Tadbirdan suratlar: