Zabit Magomedsharipov qaytishi mumkinligiga ishora qildi

"Oktagonda jang qilayotganlarni ko'rib, o'zimning mashg'ulotlarimdan kelib chiqib, faoliyatimni yana qayta tiklash haqida fikrlar keladi. Lekin bu masalani obdon o'ylab ko'rish kerak. Ha, men bu savolga qaytaman", - dedi Zabit. 

Magomedsharipov nima uchun UFC promoushenidan ketganligi haqida berilgan savolga ham javob berdi.

"Buning sabablari ko'p edi. Birinchi galda ikki yil davomida jangsiz yurish. To'laqonli o'quv-mashg'ulot yig'inini qilasan, oz qolganida raqib jangdan qochadi. Ikkinchidan, jarohatlar ko'payib ketdi. Keyin chempionlik kamari uchun jang berishmadi. Bir narsani vada qilishardi, bajarishga kelganda umuman boshqasi bo'lardi", - deya UFC promoushenidan ketganini izohladi Magomedsharipov. 

Eslatib o'tamiz, 31 yoshli Zabit Magomedsharipov so'nggi jangini 2019 yilning noyabr oyida Moskva shahrida tashkil etilgan UFC turnirida Kelvin Kattarga qarshi o'tkazib, ochkolar hisobiga ko'ra g'alaba qozongan edi.