26 avg 12:26
Yangiliklar

Tennis

US Open. Jokovich o'zidan teng barobarga yosh raqibini yutdi

Serbiyalik tennis afsonasi faoliyatida 19-marotaba "Katta Dubulg'a" turkumiga kiruvchi AQSH Ochiq chempionatining ikkinchi davrasiga yo'l oldi.

Dunyoning ettinchi raketkasi bo'lib turgan 38 yoshli Jokovich US Open turnirining ilk davrasida ATP reytingida roppa-rosa 50-o'rinni egallab turgan amerikalik 19 yashar Lyorner Tenni 6/1, 7/6(3), 6/2 hisobida mag'lubiyatga uchratdi. Bu ota-bola yoshidagi tennischilarning o'zaro o'tkazgan ilk uchrashuvi bo'ldi.

Ikki soatu 24 daqiqa davom etgan bahsda Jokovich 7, Ten 1 ta eys zarbasini amalga oshirgan. Faoliyatida 19-marotaba US Open turnirida qatnashayotgan Novak hali shu paytgacha uchinchi bosqichdan oldin yutqazmagan. "Katta Dubulg'a" turnirlarining 24 karra chempioni ikkinchi davrada dunyoning 149-raketkasi Zakari Svaydaga qarshi kortga chiqadi. U birinchi davrada vengriyalik Jombor Piroshdan ustun keldi - 6/4, 6/2, 7/5.