18 ta imkoniyatdan 7 ta licenziya. Sport kurashlarida yana licenziya qo'lga kirita olamizmi?

Turnir yakuniga ko'ra, 4 nafar sportchimiz licenziya qo'lga kiritishga muvaffaq bo'ldi. Bungacha esa yana 3 nafar hamyurtimiz 2023 yili Belgradda o'tkazilgan jahon chempionatida Parij Olimpiadasi chiptalarini naqd qilgandi.

Olimpiya o'yinlarida umumiy hisobda 18 ta vazn toifasida medallar jamlanmasi o'ynaladi - erkin kurash (6 ta), yunon-rum kurashi (6 ta) va ayollar kurashi (6 ta). 

Ikkita licenzion turnir yakuniga ko'ra, O'zbekiston sport kurashlari terma jamoasi hozirga kelib 7 ta yo'llanma qo'lga kiritgan. 11 ta vazn toifasida esa licenziyamiz hozircha yo'q. Endi Parij Olimpiadasi yo'lida so'nggi imkoniyat - 9-12 may kunlari Turkiyaning Istanbul shahrida o'tkaziladigan jahon licenzion turniri hisoblanadi. Terma jamoamiz azolari aynan ushbu turnirda licenziyalar uchun kurashishadi. 

Bugungi kunga kelib licenziya qo'lga kiritilgan va qo'lga kiritilmagan vazn toifalari: 

Erkin kurash:

-57 kg: G'ulomjon Abdullaev

-65 kg:

-74 kg: Bekzod Abdurahmonov

-86 kg: Javrail SHapiev

-97 kg: 

-125 kg: 

Yunon-rum kurashi:

-60 kg: Islomjon Bahromov

-67 kg: 

-77 kg: Aram Vardanyan

-87 kg: 

-97 kg: Rustam Assakalov

-130 kg: 

Ayollar kurashi:

-50 kg: Aktenge Keunimjaeva

-53 kg: 

-57 kg:

-62 kg: 

-68 kg: 

-76 kg: 

Faktlar:

- O'zbekiston Tokio Olimpiadasida 8 ta licenziya qo'lga kiritgandi (4 ta erkin kurash, 4 ta yunon rum kurashi).

- Bu safargi Olimpiya o'yinlarida ayollar kurashi bahslarida ham ishtirok etamiz. Aktenge Keunimjaeva o'zbek sporti tarixida ilk bor ayollar kurashi bo'yicha Olimpiadada qatnashadi.

-Sport kurashlari bo'yicha Parij Olimpiadasiga eng ko'p licenziya qo'lga kiritgan mamlakatlar: Yaponiya (13ta), AQSH (13ta), Eron (11ta), Kuba va Misr (10tadan). 

-Individual neyral atletlar (Rossiya va Belarus) 19 ta licenziyaga ega. 

Aziz To'xtamurodov tayyorladi