18 yoshli Mboko faoliyatida ilk bor WTA turniri 1/2 finaliga chiqdi

WTA reytingida 85-pog'onada borayotgan kanadalik tennischi Viktoriya Mboko 1/4 finalda dunyoning 51-raketkasi ispaniyalik Jessika Busas Maneyrodan ortiqcha qiyinchiliksiz ustun keldi - 6/4, 6/2. Bu tennischilarning o'zaro o'tkazgan ilk uchrashuvi edi. 

Etmish sakkiz daqiqa davom etgan bahsda Mboko 3 ta eys va 5 ta breykni amalga oshirib, 2 ta qo'shxatoga yo'l qo'ydi. 18 yoshli Mboko faoliyatida ilk bor WTA turnirining 1/2 finalida o'ynaydi. U ushbu bosqichga etib kelgan ikkinchi kanadalikka ham aylandi. Mbokodan avval bu natijaga Belinda Benchich erishgandi.