04 avg 11:22
Yangiliklar

Bolalar sporti

2024 yilgi VIII Osiyo bolalari o'yinlari qaerda bo'lishi elon qilindi

Teglar : Osiyo bolalari

SHu kunlarda Rossiya Federaciyasi Primore o'lkasi markazida o'tayotgan VII Osiyo bolalari xalqaro sport o'yinlari jarayonida unda qatnashayotgan davlat va jamoa rahbarlari, mutaxassislarining uchrashuvi tashkil etildi.

Uchrashuvda O'zbekiston Respublikasi sportni rivojlantirish vaziri o'rinbosari Abdulla Aslonov va Sportni rivojlantirish vazirligi boshqarma boshlig'i Akram Nizametdinov qatnashdi.

Unda 2024 yili o'tadigan navbatdagi Osiyo bolalari» o'yinlarining yangi markazi elon qilindi.

Suhbat davomida yig'ilish ishtirokchilariga «Osiyo bolalari» II qishki xalqaro sport o'yinlarining taqdimoti o'tkazildi.

Taqdimotda keltirilishicha, qishki o'yinlar 2023 yil 23 fevralda boshlanishi rejalashtirilgan. Musobaqalar Rossiya Federaciyasi Kuzbass hududining 4 shahrida bo'lib o'tadi.

«Osiyo bolalari» II qishki xalqaro sport o'yinlari direkciyasining rahbari Aleksey Puzyninning so'zlariga ko'ra, Kuzbass «Osiyo bolalari» o'yinlari qatnashchilari uchun «yangi oyna» bo'ladi. Mintaqa Osiyo xalqlari madaniyatining barcha ulug'vorligini o'zida namoyish qilgan «ochilmagan mintaqadir».

Uchrashuv yakunida VIII «Osiyo bolalari» xalqaro sport o'yinlari 2024 yil yozida Yakutiyada bo'lib o'tishi elon qilindi va uning yangilangan loyihasi namoyish qilindi.

Havola :

Manba : minsport.uz

Reyting: -1