48 yoshli Yoel Romero Gektorga qarshi jang o'tkazadi

Kubalik faxriy aralash yakkakurash ustasi navbatdagi jangini sobiq Bellator chempioni Gektor Lombardga qarshi o'tkazadi. 48 yoshli kubaliklarning jangi 1 may kuni Mayamida bo'lib o'tadigan Gamebred Bareknuckle MMA turnirining bir qismi bo'ladi. Xorxe Masvidal egalik qiladigan liga MMA qoidalari bo'yicha qo'lqopsiz, yalang'och musht janglarini o'tkazishga ixtisoslashgan.

So'nggi yillarda Yoel Romero turli yakkakurash turlarida faol ishtirok etib, Dirty Boxing ligasida gibrid qoidalar bo'yicha bir nechta janglar o'tkazdi. BKFC bayrog'i ostida yalang'och musht janglarida debyut qildi, shuningdek, RAF gilamida o'zining kurash ildizlariga qaytdi. U so'nggi jangini ikki hafta oldin Sankt-Peterburgda bo'lib o'tgan IBA Bare Knuckle 4 turnirida o'tkazdi va musht jangida hakamlarning yakdil qarori bilan rossiyalik Vagab Vagabovga bahsli tarzda yutqazdi.

Gektor Lombard ham so'nggi yillarda qo'lqopsiz ko'plab janglar o'tkazdi, jumladan, BKFC chempionlik kamarini qo'lga kiritdi. Hamyurti bilan jang kubalikning Gamebred Bareknuckle ligasidagi ikkinchi chiqishi bo'ladi. U 2023 yil noyabr oyida raqibining gardan qismiga zarba bergani uchun 69 soniyada diskvalifikaciya qilingan edi. O'zining so'nggi jangida Lombard o'tgan yilning avgust oyida DBX 3 turnirida Jeyms Kennonga tezkor nokaut bilan mag'lubiyatga uchragandi.