Abusupyan Magomedovning navbatdagi jangi sanasi va raqibi malum

U 18 may kuni o'tkaziladigan Fight Night turnirida braziliyalik faxriy jangchi Uorli Alvesga qarshi oktagonga ko'tariladi. O'tgan yili Abusupyanning hamyurtimiz Mahmud Muradovga qarshi jangi o'tkazilmay qolgandi. 

Magomedov so'nggi jangini UFC Fight Night 231 turnirida aynan Muradovning sobiq raqibi braziliyalik Kayo Borraloga qarshi o'tkazib, ochkolar hisobiga ko'ra imkoniyatni boy bergan edi. Abusupyan hisobida 25 g'alaba va 6 mag'lubiyat bor. Faqat bitta g'alabasini UFC oktagonida qo'lga kiritgan. Mag'lubiyatlarining yarmi ham UFC`da qayd etilgan. 

Vorli Alves esa 14 g'alaba va 7 mag'lubiyatga ega. So'nggi jangini Abu-Dabidagi UFC 294 turnirida rossiyalik Ikram Aliskerovga qarshi o'tkazib, nokautga uchragandi. Hozirda Vorli 3 ta mag'lubiyatli seriya bilan kelyapti.