ACA Ligasi butun MMA tarixida ilk bor "anonim jang" o'tkazishi mumkin

Bibulatovning so'zlariga ko'ra, mazkur format misli ko'rilmagan darajadagi maxfiylikni nazarda tutadi: jangchilar oktagonga chiqqunga qadar ularning ismlarini hech kim bilmaydi.

"Ligamizning ikki media yulduzi o'rtasida shunday deb ataladigan "anonim jang" o'tkazish g'oyasi paydo bo'ldi. Jahon boks yoki MMA amaliyotida bunday holat hali kuzatilmagan. Oldindan hech qanday elonlar, matbuotda ishoralar yoki ijtimoiy tarmoqlarda spoylerlar bo'lmaydi. Qiziqarli sir faqat arenada, jang boshlanishidan oldin ishtirokchilarni ring anonseri Aleksandr Zagorskiy elon qilgan paytdagina ochiladi. Format nuqtai nazaridan bu jahon miqyosidagi eksklyuziv bo'ladi", — deya Bibulatovning so'zlarini keltiradi ACA matbuot xizmati.

Liga rahbari takidlashicha, hozircha tashkilot rahbariyati muxlislarning bunday tajribaga qiziqishini baholamoqchi. Agar jamoatchilik tomonidan ijobiy munosabat bildirilsa, ACA turnirlaridan birida ushbu formatni amalga oshirish imkoniyatlarini ishlab chiqishni boshlaydi.