Adham Ikramov jahon chempionatiga yo'l olayotgan dzyudochilarimizga oq fotiha berdi + FOTOGALEREYA

Biroz avval O'zbekiston dzyudo federaciyasida safar oldidan turgan dzyudochilarimiz bilan uchrashuv tashkil etildi. 

Unda O'zbekiston Respublikasi Sport vaziri Adham Ikramov, Milliy olimpiya qo'mitasi bosh kotibi Oybek Kasimov, MOQ raisi o'rinbosari, mamlakat dzyudo federaciyasi raisi Azizjon Kamilov, rais o'rinbosarlari Zafar Qahramonov, Atabek Ismailov va boshqa mutasaddilar terma jamoamiz azolari bilan uchrashishdi hamda dildan suhbatlashishdi. 

Sport vaziri hatto Davlat Bobonov bilan "otjimanie" qilish bo'yicha bellashib ham ko'rdi. Albatta, vazir tomonidan bunday shaxsiy namunaning ko'rsatilishi dzyudochilarni yanada g'alabalar sari ruhlantiradi. O'z o'rnida Oybek Kasimov Parij-2024 Olimpiadasi oldidan o'tkaziladigan ushbu jahon chempionatining ahamiyati haqida gapirib, dzyudochilarimizga omad tiladi. 

Uchrashuv so'nggida Adham Ikramov duoga qo'l ochib, dzyudochilarimizga Abu-Dabi tatamilarida g'alaba va omad yor bo'lishiga fotiha berdi. Xalqimizda "oltin olma, duo ol, duo oltin emasmu" degan hikmat bor. Biz ham o'z o'rnida masuliyatli safar oldidan turgan dzyudochilarimiz, murabbiylarimiz, shifokorlarimizga zafar yor bo'lishini tilaymiz. 

Eslatib o'tamiz, o'tgan yili Qatar poytaxti Doha shahrida o'tgan jahon chempionatida O'zbekiston terma jamoasi 2 ta kumush, 2 ta bronza medalini qo'lga kiritib, tarixdagi eng natijani qayd etgandi.