Afsonaviy CHusovitina boshchiligidagi gimnastlarimiz Jahon kubogidan qaytib kelishdi

Ushbu nufuzli musobaqada dunyoning 30ta davlatidan eng kuchli gimnastlar qatorida O'zbekiston terma jamoasi azolari ham g'oliblik uchun bahs olib borishdi.

Quvonarlisi, musobaqada o'zbek sportining afsonasi, Olimpiada o'yinlarida 8 marotaba qatnashgan tarixdagi yagona gimnastikachi Oksana CHusovitina etakchiligidagi bir guruh sportchilarimiz yurtimiz sharafini munosib himoya qilishdi.

Jumladan, Jahon kubogining tayanib sakrash mashqlarida yaqinda 47 yoshga kiradigan faxrimiz Oksana CHusovitina eng yaxshi natija qayd etdi va oltin medalga sazovor bo'ldi. SHuningdek, terma jamoamiz azolaridan O'tkirbek Jo'raev hamda Habibullo Ergashev final bosqichida munosib qatnashdi va kuchli sakkizlikdan joy olishdi.

Bugun tunda, 6 martdan 7 martga o'tar kechasi soat 02:00da sport gimnastikasi bo'yicha O'zbekiston terma jamoasi azolari yurtimizga qaytib kelishdi. Ularni Islom Karimov nomidagi Toshkent xalqaro aeroportida Sportni rivojlantirish vazirining o'rinbosari SHaxrullo Mahmudov, «O'zavtosanoat» AJ boshqaruvi raisi, O'zbekiston gimnastika federaciyasi raisi SHavkat Umurzoqov, sportchilarning yaqinlari, muxlislar va ommaviy axborot vositalari xodimlari tantanali ravishda kutib olishdi.

Unda so'zga chiqqan vazir o'rinbosari SH.Mahmudov Oksana CHusovitinani yana bir bor ajoyib g'alaba bilan tabriklab, Jahon kubogida qayd etilgan natijani Osiyo o'yinlarida ham takrorlashiga ishonch bildirdi va ushbu ko'rsatkich bilan hamyurtimiz Osiyo o'yinlari shohsupasiga ko'tarilishi uchun etarli bo'lishiga umid qilishini takidlab o'tdi.

«O'zavtosanoat» AJ boshqaruvi raisi hamda O'zbekiston gimnastika federaciyasi raisi SHavkat Umurzoqov ham Oksana CHusovitina sportimiz faxri ekanligini takidlab, unga kelgusida ham omad yor bo'lishini bildirdi.

O'z navbatida tadbirning bosh qahramoni bo'lmish O.CHusovitina bunday yuksak etibor uchun minnatdorlik bildirib, faoliyatini O'zbekiston uchun medal yutgach yakunlashini aytin o'tdi.

Tadbir yakunida afsonaviy sportchimiz OAV xodimlariga intervyu berdi.