Ahmadaliev WBC'ning yangilangan reytingiga kiritildi, Otabek va Bektemirda ko'tarilish + POSTER

Butunjahon Boks uyushmasi may oyi uchun yangilangan reytingni elon qildi. Endilikda sobiq jahon chempioni Murodjon Ahmadaliev ushbu reytingga ilk bor kiritildi.

SHu tariqa, reytingdan 11 nafar charm qo'lqop ustamiz o'rin egalladi. 

Ularning joylashgan o'rinlari bilan tanishing:

Superog'ir vazn: Bahodir Jalolov o'tgan oydagidan bir pog'ona pastlab, 17-o'rinni egalladi;

Super o'rta vazn toifasi (76,2 kg): Azizbek Abdug'ofurov o'tgan oydagi singari 9-o'rinda; Bektemir Meliqo'ziev 17-o'rinni band etdi, o'tgan oyda u 23-pog'onada edi;

Super yarim o'rta vazn (69,8 kg): Isroil Madrimov o'tgan oydagidan bir pog'ona yuqorilab, 6-o'ringa joylashdi;

Yarim o'rta vazn (66,6 kg):  SHahram G'iyosov 19-o'rin; Jahongir Rasulov 31-o'rin, Rasulov o'tgan oy 34-pog'onada edi;

Super engil vazn (63,5 kg): SHohjahon Ergashev o'tgan oydagidan 2 o'rin pastlab, 14-o'rinda qayd etildi; Botir Ahmedov ham 3 pog'onaga pastladi - 23-o'rin;

Yarim engil vazn (57,1 kg): Otabek Xolmatov 9-o'rin, bokschimiz o'tgan oyda 14-pog'onani band etgan edi;

Birinchi yarim engil vazn (55,3 kg): Murodjon Ahmadaliev reytingga ilk bor kiritilib, 4-o'ringa joylashtirildi;

Birinchi o'ta engil vazn (48,8 kg): Hasanboy Do'smatov o'tgan oydagi kabi 10-pog'onani band etgan.