Ahmadjonov Qarshida o'z lavozimiga noloyiq bo'lgan mutasaddilarni ishdan oldi

“Muruvvat” bolalar uyi, Qarshi shahar olimpiya zaxiralari maktab-internati va “Nasaf” klubi akademiyasidan keyin O'FA 1-vice-prezidenti Umid Ahmadjonov Viloyat ixtisoslashtirilgan bolalar va o'smirlar suv sporti turlari Sport maktabida hamda Qarshi shahar bolalar va o'smirlar sport maktabida bo'ldi.

Tashrif davomida Umid Ahmadjonov Qashqadaryo viloyatida sportni rivojlantirish, xususan, olimpiya sport turlari va futbol rivoji yo'lida amalga oshirilayotgan chora-tadbirlar bilan yaqindan tanishdi. Bu borada yo'l qo'yilayotgan kamchiliklarni tanqid qilib, muammolarni barataraf etish bo'yicha o'z tavsiyalarini berdi.

Ayni paytda esa  Qarshi shahrida MOQ prezidenti va O'FA 1-vice-prezidenti  Umid Ahmadjonov tomonidan viloyat sportiga masul bo'lgan mutassaddilar ishtirokida katta majlis o'tkazilmoqda.

Umid Ahmadjonov viloyatda sport sohasida olib borilayotgan ishlarga to'xtalar ekan, jumladan shunday dedi:

"Biz bo'lajak Olimpiada o'yinlarida O'zbekiston bayrog'ini eng yuqori cho'qqilarga ko'tarishimiz kerak. Buning uchun barchamiz aka-uka bo'lib ishlamasak, o'zaro bir-birimizni qo'llab- quvvatlamasak natijaga erisha olmaymiz. Ayniqsa, Qashqadaryodan etishib chiqayotgan sportchilar orqali biz Olimpiadalarda ko'plab oltinlarni olishimiz mumkin. CHunki bu erda yakka kurashlar bo'yicha qanchadan qancha polvonlar bor. Ularni to'g'ri yo'naltirib, mahoratidan unumli foydalanmasak noto'g'ri bo'ladi.

Qashaqardyo viloyatida  sport rivoji yo'lida olib borilgan ishlar qoniqarli emas. Jumladan, Qashqadaryo viloyati olimpiya zaxiralari kolleji rahbari SHodi Namozov o'z vazifasini etarli darajada bajara olmagan.  Kollej tizimidagi metodistlarning aksari malakasiz, sport turlarini mukammal bilmaydi. Kamiga sportchilarni ovqatlanish tizimda sustkashliklarga yo'l qo'yilgan. Sportchilar etarli kaloriyalarga ega bo'lmagan ovqatlarni tanovul qilishgan. Bu esa o'z- o'zidan natijalarga salbiy tasir ko'rsatgan. Dietologning o'z sohasini mukammal bilmasligi hamda  milliy kurash, boks, engil atletika, voleybol, dzyudo murabbiylarining malakasi etarli emasligi chempionlarni tarbiyalashga kamlik qiladi.

SHuningdek, 2001 yildan beri faoliyat olib borayotgan  Qarshi Ixtisoslashtirilgan olimpiya zaxiralari maktab internati suv havzasi direktori  SHavkat G'aniev o'zi boshqaraetgan sport inshooti hakida to'liq malumotga ega emas. Kerak paytda, terma jamoaga nomzod bo'lgan suzuvchilarga basseyn xizmatini shartnoma asosida taqdim etgani hakida malumotlar bor bizda. G'aniev davlat tomonidan qurilayotgan sport inshootlaridan foydalanish sportchilarga bepul ekanini unutib qo'ygan ko'rinadi. Sportchilarni manfaatiga xizmat qilishi lozim bo'lgan obektlarda bu kabi direktorlarning faoliyat olib borishi xato degan xulosaga kelindi” – dedi Umid Ahmadjonov.