16 dek 13:45
Yangiliklar

Sport kurashlari

Ahroljon Ro'zievni tabriklaymiz!

Teglar : Sport kurashlari Ahroljon Ro'ziev

Bugun o'zbek va jahon sportida o'z mavqeyiga ega hamyurtimiz, Birlashgan kurash dunyosi (UWW) vice-prezidenti, O'zbekiston sport kurashlari associaciyasi raisi o'rinbosari, O'zbekistonda xizmat ko'rsatgan sport ustozi, pedagogika fanlari doktori, professor Ahroljon Ro'ziev o'z tavallud ayyomini nishonlamoqda.

Ahroljon Ro'ziev 1957 yil 16 dekabr kuni Toshkent shahrida dunyoga kelgan. O'z umrini sport kurashlariga baxshida etgan hamyurtimiz bugunga kelib uzoq yillik mashaqqatli mehnatlarining samarasini ko'rmoqda. Pedagogika fanlari doktori, professor Ahroljon Ro'ziev ayni paytda Birlashgan Kurash dunyosi vice-prezidenti lavozimida faoliyat olib bormoqda. Sport kurashlari bo'yicha terma jamoamizning bugungi kunda jahonning eng etakchi jamoalaridan biriga aylanishida, polvonlarimiz qo'lga kiritayotgan natijalarda Ahroljon Ahmedovichning xizmati beqiyos.

Malumot uchun, Ahroljon Ro'ziev 2007-2016 yillar O'zbekiston Davlat jismoniy tarbiya institutida sport o'yinlari va milliy sport turlari bo'yicha kafedra professori, 2008-2014 yillarda FILA ijroqo'm azosi bo'lgan. Faoliyati davomida "O'zbekiston Respublikasida xizmat ko'rsatgan sport ustozi" (2001), ikkinchi darajali "Sog'lom avlod uchun" (1999) va "Fidokorona xizmatlari uchun" (2004), Qozog'istonning yuqori darajadagi "CHingizxon" ordenlari, "O'zbekiston sport faxriysi" ko'krak nishon bilan taqdirlangan.

Fursatdan foydalanib, Ahroljon Ahmedovichga uzoq umr, sihat-salomatlik, oilaviy baxt, farzandlar, nabiralar rohatini ko'rib yurishlarini tilaymiz.