Aleksandr Usik faoliyatidagi keyingi uchta jangini anons qildi

23 may kuni u mashhur kikbokschi, u darajada boks tajribasiga ega bo'lmagan Riko Verxuvenga qarshi ringga ko'tariladi. Usik uchun bu jang juda ham qiziq.

Verxuvendan keyin esa 39 yoshli ukrainalik 9 may kuni bo'lib o'tadigan WBO kamari uchun Fabio Uordli va Daniel Dyubua o'rtasidagi jang g'olibiga qarshi jang o'tkazmoqchi.

"Men uchun bu haqiqiy jang, - dedi Usik Inside The Ring dasturiga Verxoven bilan jang haqida bergan intervyusida. - Ha, Riko yaxshi bokschi emas, lekin bu qiziqarli jang-ku? Hech qanday muammo yo'q. Ammo keyin Daniel Dyubua va Fabio Uordli o'rtasidagi jang g'olibi bilan to'qnash kelmoqchiman".

Usikning rejasidagi uchinchi jang esa sobiq jahon chempioni Tayson Fyuriga qarshi bo'lib o'tadi. Britaniyalik sobiq jahon chempioni katta boksga qaytmoqda va germaniyalik Arslanbek Mahmudovga qarshi ringga ko'tariladi.

"Yana uchta jang o'tkazaman. Birinchisi - Riko, ikkinchisi - Uordli va Dyubua o'rtasidagi jang g'olibi, uchinchisi - do'stim ochko'z, semiz Tayson Fyuriga qarshi!", - deya qo'shimcha qildi Usik.

Dyubua Uordli ustidan g'alaba qozongan taqdirda, Usik ikki bokschi - Dyubua va Fyuriga qarshi jang o'tkazadi. Bundan tashqari, Usikdan Agit Kabayelga qarshi majburiy himoyani kutayotgan WBC bu rejalarga qanday munosabatda bo'lishi, WBA va IBF qandaydir choralar ko'rishi nomalum.

SHuningdek, Usik o'zi bilan to'qnash kelishni rejalashtirmayotgan bir bokschini ham malum qildi. Bu 21 yoshli britaniyalik Mozes Itauma bo'lib, u o'tgan yildan beri ukrainalikning potencial raqiblaridan biri sifatida tilga olinmoqda.

"Yo'q, Itauma bilan jang qilmoqchi emasman, chunki u yosh yigit. Men bu yigitni sindirishni istamayman", - dedi Usik.