Aleksandr Usik - Tayson Fyuri jangi sanasi malum

Bu haqda ukrainalik chempionning menejeri Egis Klimas xabar berdi.

"Biz deyarli kelishib oldik. Aslida bu erda kelishadigan narsaning o'zi qolmagandi. Mutlaq jahon chempionligi uchun jangni har ikki tomon ham xohlayapti. Odamlar ham bu jangni istamoqda. Katta ehtimol bilan chempionlik jangi 4 mart kuni Yaqin SHarqda bo'lib o'tadi. Jang manzili uchun asosiy davogar Saudiya Arabistoni davlati bo'lib turibdi. SHuningdek, London va Qatar varianti ham bor", - dedi Klimas Dailymail nashriga bergan intervyusida. 

Menejerning so'zlariga ko'ra, 4 mart sanasidan tashqari 18 fevral kuni ham jang uchun zaxira varianti sifatida qaralmoqda.

Malumot uchun, Tayson Fyuri shu hafta WBC kamarini hamyurti Derek CHisoradan himoya qilgandi. Jang yakunlanganidan so'ng Fyuri WBA, WBO, IBF va IBO chempionlik kamarlari sohibi ukrainalik Aleksandr Usikka "vyzov" tashlagandi.