Aleksandre Pantoja qachon qaytadi?

Uning oktagonga qaytish muddati hamon nomalumligicha qolmoqda. Bu haqda braziliyalik murabbiy Markos Parrupma MMA Fighting saytiga bergan intervyusida malum qildi.

"Uning elka aralash qo'li joyida - bu ko'proq tirsak shikasti edi. Hozir biz Pantojani tiklashga maksimal darajada ustuvor ahamiyat berishimiz kerak. Keyin nima bo'lishi muhim emas. Asosiysi, uning qo'lini tiklash. Agar operaciya qilish kerak bo'lsa, u jarrohlik stoliga yotadi. Agar operaciya kerak bo'lmasa, fizioterapiya muolajasi bilan shug'ullanamiz. Bugun shifokorga borib, yaxshi xabar oldik, qo'l sinmagan. Endi nima bo'lishini ko'rish uchun bir necha hafta kutamiz. Hozircha uning qancha muddatga safdan chiqishini aniq aytib bo'lmaydi", - dedi braziliyalik mutaxassis.

Sobiq chempionning jamoasi eng engil vazn toifasida UFC chempionligining yangi egasi Joshua Van boshqa jangchiga qarshi kamar himoyasini o'tkazishi mumkinligini istisno qilmayapti. Ammo Pantoja jarohatidan tuzalib qaytgach, darhol chempionlik imkoniyatini qo'lga kiritishiga umid qilmoqda.

"Ular darhol revansh olishmoqchi, ammo hammasi Pantojaning qancha vaqt o'yindan tashqarida bo'lishiga bog'liq. Agar bu qisqa muddat bo'lsa, biz zudlik bilan revanshni talab qilamiz. Agar jarayon uzoqroq davom etsa, divizion turg'unlikda qola olmaydi. Biz buni tushunamiz. Eng muhimi, Pantoja qaytishi bilanoq chempionlik jangini olishi kerak. Menimcha, u to'g'ridan-to'g'ri chempionlik jangiga qaytishga loyiq, xoh Joshua Van bilan bo'lsin, xoh boshqasi", - deya qo'shimcha qildi Parrumma.

Eslatib o'tmiz, o'tgan hafta Aleksandre Pantoja o'z kamarini beshinchi marta himoya qilishga urinib ko'rdi. Ammo birinchi raundning 26-soniyasidayoq noqulay yiqilishi natijasida Joshua Vanga qarshi jang to'xtatildi va myanmalik aralash yakkakurash ustasi texnik g'alaba evaziga UFC chempioniga aylandi.