Alisher Usmonov nomzodi yana Xalqaro qilichbozlik federaciyasi prezidentligiga ilgari surildi

Rossiya qilichbozlik federaciyasi mazkur saylovga mamlakat nomidan FIEning amaldagi rahbari, rossiyalik mecenat Alisher Usmonovning nomzodini ilgari surdi. SHu tariqa, 27 noyabr kuni SHveycariyada o'tkaziladigan FIEning Kongressida Usmonov nomzodi ko'rib chiqiladi.

Asli kelib chiqishi o'zbekistonlik bo'lgan Alisher Usmonovni hamyurtlarimiz ham yaxshi bilishadi. Zero, u mamlakatimizda ham ijtimoiy soha va sportni qo'llab-quvvatlash bo'yicha bir necha yirik loyihalarni amalga oshirgan.

Takidlash joiz, sentyabr oyida mamlakatimizda o'tgan Osiyo, Pan Amerika va Afrika qilichbozlik konfederaciyalarining kongressida har uch mintaqa Alisher Usmonovga bo'lajak saylovda uni qo'llab-quvvatlashini bildiruvchi xat yo'llagan edi.

Malumot uchun, Alisher Usmonov 2008 yildan beri ushbu xalqaro tashkilotni boshqarib kelmoqda. U FIEga 2012 va 2016 yillarda qayta saylangan.