24 apr 20:17
Yangiliklar
Tennis
Alkaraz - Barcelona Open g'olibi!
Ispaniyalik tennischi Karlos Alkaraz o'z vatanida o'tkazilgan turnirning bosh sovrinini begona qilmadi.
Dunyoning ikkinchi raketkasi Barselona turnirining finalida xuddi o'tgan yilda bo'lgani singari greciyalik Stefanos Cicipasni mag'lubiyatga uchratdi. Cicipas reytingning beshinchi pog'onasidan joy olgan.
Etmish to'qqiz daqiqa davom etgan bahsda Karlos 6/3, 6/4 hisobida zafar quchdi. Tennischilarning o'zaro uchrashuvlaridagi hisob yanada yiriklashdi - 4:0.
Barcelona Open Banc Sabadell turniridagi muvaffaqiyatli ishtirok Alkarazga 477,795 dollar mukofot puli hamda 500 reyting ochkosini taqdim etdi. U chempionlik unvonini muvaffaqiyatli himoya qildi. Bu Karlos uchun mavsumdagi uchinchi, faoliyatidagi to'qqizinchi sovrin bo'ldi.
Havola :
Manba : gotennis
Fikrlar