Amanda "Ona sher" Nunes UFC qafasiga qaytmoqda

Braziliyalik "Ona sher" Julianna Penya va Kayla Xarrison o'rtasidagi chempionlik jagi g'olibasiga qarshi oktagonga chiqishga tayyor ekanini malum qildi. Mayamida o'tgan UFC 314 turniri matbuot anjumanida Nunes bu niyatini oshkor etdi. 

Yodingizda bo'lsa, 2021 yilda Penya shov-shuvli tarzda Nunesni muddatidan avval mag'lubiyatga uchratib, divizionning yangi chempioniga aylangandi. Lekin 2022 yilda o'tkazilgan revansh jangida Julianna kamarini boy berdi. Keyin Nunes faoliyatini yakunlaganini elon qildi. Bundan unumli foydalanib qolgan Penya yana ishga kirishdi va Rakel Penningtonni hakamlarning ayri qarori bilan mag'lubiyatga uchratgan holda faoliyatida ikkinchi bor chempionlik kamarini qo'lga kiritdi.

Julliana Penya - Kayla Xarrison jangi 7 iyun kuni AQSHning Nyuark shahrida tashkil etiladigan UFC 316 turniri doirasida o'tkaziladi. Dzyudo bo'yicha ikki karra Olimpiada chempioni bo'lgan Xarrison ushbu jangda favorit hisoblanmoqda. U o'tgan yili UFC promoushenida debyut qilgandi. Avvaliga Xolli Xolmni bo'g'ish usuli bilan mag'lubiyatga uchratgan, keyin esa Ketlin Vieyrani ochkolar hisobiga ko'ra taslim etgan edi.