Ananalarga ega CHirchiq dzyudo maktabi haqida

Bugun CHirchiq shahri dzyudosi xususida so'z yuritamiz. Suhbatdoshimiz Toshkent viloyati dzyudo federaciyasi ijrochi direktori Vohid Jo'raev bo'ladilar. 

- Vohid aka, karantin kunlari Toshkent viloyati, xususan chirchiqlik dzyudochilar uchun qanday o'tmoqda?

- Mamlakatimizning barcha joyida bo'lgani kabi bizda ham hamma o'z uyida mashg'ulotlarni davom ettirmoqda. Murabbiylar bilan onlayn muloqot o'rnatilgan. Maxsus ochilgan telegram kanalida video onlayn mashg'ulotlar o'tkazilyapti. Murabbiylar o'z shogirdlariga topshiriqlar berishyapti. Dzyudochilar shu asosida shug'ullanishyapti.  

- CHirchiq dzyudosi haqida gap ketganda faqat iliq fikrlar aytiladi. SHu o'rinda CHirchiq dzyudosini yuqoriga ko'targan sportchilar, fidoiy murabbiylar haqida ham malumot bersangiz.

- To'g'ri takidlab o'tdingiz. Haqiqatan ham, CHirchiqdan O'zbekiston terma jamoasi tarkibida aytishga arzigulik yutuqlarga erishgan zabardast dzyudochilar etishib chiqqan. Birinchilar qatorida Dmitriy Solovyov, Andrey SHturbabin, Murat Kalikulov, SHokir Mo'minov, Sanjar Zokirov, Dilshod CHoriev, Mirzohid Farmonov, murabbiylardan Kim Yuriy Samsonovich, Mirzarahmonov Nag'manjon Ahmedovich, Muradosilov Server Dilyaverovich, Galkin Viktor Mixaylovich kabi nomlarni tilga olishni joiz deb bilaman. 

- Bugungi kunda siz sanab o'tgan taniqli dzyudochilarning yo'lini kimlar davom ettiryapti?

- Yoshlarimizdan Jayhun Nazarovni alohida takidlagan bo'lardim. U 2018 yili Argentinaning Buenos-Ayres shahrida o'tkazilgan III yozgi o'smirlar Olimpiya o'yinlarining oltin medalini qo'lga kiritgan. CHirchiq olimpiya zaxiralari ixtisoslashtirilgan maktab-internati tarbiyalanuvchisi hisoblanadi. Angrenlik Bobur Vadjiev yoshlar o'rtasida Osiyo chempionati sovrindori bo'lgan. Artyom SHturbabin o'tgan yili Harbiylar o'rtasidagi jahon chempionatida g'oliblik shoxsupasiga ko'tarildi. Yoshlarimiz Qozog'istonning Aktau shahrida o'tkazilgan xalqaro musoboqada 3 ta oltin, 1 ta kumush va 2 ta bronza medallarini qo'lga kiritishdi. Mansurov Abduqodir,  Zokirjonov Asadbek va SHomurodov Mahmud oltin, Rahimov SHohjahon kumush, Mirzaev SHohrux va Nutfullaev Abdurahim bronza medali bilan taqdirlandi.

- Qanday muammolar bor?

- Federaciyamiz tomonidan barcha sharoitlar yaratib berilyapti. Oldimizga turgan asosiy vazifalardan biri selekciyani kuchaytirish. Toshkent viloyatining qolgan tuman va shaharlarida ham dzyudo sport turini yanada ko'proq ommalashtirish, dzyudo sekciyalarini ochishdan iborat.