AQSH xokkey terma jamoasi 65 yildan keyin yana Jahon chempionati shohsupasida

Musobaqaning final uchrashuvida AQSH terma jamoasi SHveycariyaga qarshi muzga chiqib, Teyj Tompsonning overtaymda kiritgan shaybasi evaziga g'alaba qozondi.

Bu amerikaliklarning 65 yillik tanaffusdan keyin qo'lga kiritgan ilk Jahon chempionligiga aylandi. SHveycariya terma jamoasi esa ketma-ket ikkinchi marotaba elita divizion finalida mag'lub bo'ldi.

Qayd etish joiz, AQSH termasi musobaqada eng yosh tarkib bilan qatnashdi. Ularning tarkibida to'rt nafar universitet talabalari ham mavjud edi. Final o'yini SHveycariya sardori Andreas Ambyul uchun faoliyatidagi so'nggi o'yin bo'ldi. Ambyul Jahon chempionatlarining rekordchisi hisoblanadi. U faoliyati davomida jami 20 ta dunyo birinchiligida ishtirok etib, 151 ta o'yinda muzga chiqqan.

Uchinchi o'rin uchun kechgan bellashuvda SHveciya Daniyani 6:2 hisobida ishonchli tarzda engdi.

Jahon chempionati-2025ning yakuniy turnir jadvali: 

1. AQSH

2. SHveycariya

3. SHveciya

4. Daniya

5. Kanada

6. CHexiya

7. Finlyandiya

8. Avstriya

9. Germaniya

10. Latviya

11. Slovakiya

12. Norvegiya

13. Sloveniya

14. Vengriya

15. Qozog'iston

16. Franciya.

Keyingi Jahon chempionatining elit divizion bahslari endi 2026 yilning 15-31 may kunlari SHveycariyada bo'lib o'tadi. Quyiga tushgan Qozog'iston va Franciyaning o'rnini turnirda Italiya va Buyuk Britaniya terma jamoalari egallaydi.