Arsen Fadzaev: Rossiya chempionati poytaxtdan Vladikavkazga ko'chirildi

Bu haqida Rossiya sport kurashlari federaciyasi birinchi vice-prezidenti Arsen Fadzaev o'zining Instagram sahifasida xabar berdi:

"Sizlarga quvonchli xabarni ulashmoqchiman! Bugun erkin kurash bo'yicha kattalar o'rtasidagi Rossiya chempionati mezbonligi Vladikavkaz shahriga taqdim etildi. Rossiya sport kurashlari federaciyasi prezidenti Mixail Mamiashvili hamda SHimoliy Osetiya-Alaniya Respublikasi rahbari Vyacheslav Zelimxanovich Bitarov o'rtasidagi o'zaro kelishuvga ko'ra, Rossiya chempionati poytaxt Moskvadan Vladikavkaz shahriga ko'chirildi. Musobaqa 9-11 oktyabr kunlari oralig'ida o'tkaziladi. Osetiyaliklar shu kunlari bayram og'ushida yashashadi", - dedi faoliyatini katta qismini O'zbekistonda o'tkazgan, yurtimizda tahsil olgan Fadzaev. 

Eslatib o'tamiz, Rossiya chempionati ikkinchi bor ko'chirildi. O'zi aslida musobaqa aprel oyida Ulan-Udeda o'tkazilishi kerak edi. Lekin koronavirus pandemiyasi sabab Moskva shahriga ko'chirildi. Kuni kecha esa 18-20 sentyabr kunlariga belgilangan chempionat bahslari mezbonligi Vladikavkazga berildi.