Asakada zamonaviy dzyudo zali foydalanishga topshirildi

Mazkur topshiriqlar ijrosini taminlash maqsadida Andijon viloyatining Asaka shahridagi 34-umumtalim maktabi hududida barcha zamon talablariga javob beruvchi dzyudo zali mahalliy yoshlar ixtiyoriga topshirildi. 

Ushbu engil konstrukciyali (sendvich panelli) dzyudo zalining tantanali ochilish marosimida Xalq ta`limi vaziri Baxtiyor Saidov, O'zbekiston dzyudo federaciyasi raisi o'rinbosari Zafar Mamajonov, Andijon viloyati sporti mutasaddilari ishtirok etishdi. 

So'zga chiqqanlar qisqa fursatda bunyod etilgan dzyudo zali mahalliy yoshlar hamda maktab o'quvchilari uchun chinakam sovg'a bo'lgani, kelajakda ushbu sport maskanidan Olimpiada va jahon chempionlari etishib chiqishi, eng muhimi, ushbu zal dzyudo bilan shug'ullangan yoshlarning bo'sh vaqtlarini mazmunli tashkil etishlari, salomatliklarini yanada mustahkamlashlari uchun xizmat qilishini alohida takidladilar.            

Jajji bolajonlarning qo'shiq kuylab raqsga tushishlari, yosh dzyudochilarning ko'rgazmali chiqishlari tantanali ochilish marosimiga yig'ilganlarga zavq va ko'tarinki kayfiyat bag'ishladi. 

Malumot uchun, O'zbekiston dzyudo federaciyasi, Xalq talimi vazirligi hamda qator tashkilotlar hamkorligida qurib foydalanishga topshirilayotgan ixtisoslashtirilgan dzyudo majmualari soni 9 taga etdi. 

SHu kungacha Toshkent, Samarqand, Qo'qon, Navoiy, Guliston, Jizzax, Termiz shaharlari hamda Qoraqalpog'iston Respublikasida xuddi shunday dzyudo zallari foydalanishga topshirilgan edi.