Ashxobod. O'zbekistonlik sportchilarning ishtiroklaridan onlayn yakunlandi

21:30. SHu tariqa O'zbekiston terma jamoasi sportchilari ishtirokidan onlayn yakuniga etdi. Bizni kuzatib borganingiz uchun tashakkur!

21:29. Futzal terma jamoamiz esa penaltilar seriyasida Yaponiyani 3:2 hisobida mag'lubiyatga uchratib, final yo'llanmasini qo'lga kiritdi. Endi ular turnir bosh sovrini uchun Eron terma jamoasiga qarshi to'p tepadilar.

21:26. Basketbolchi qizlarimiz finalda 20:22 hisobida yutqazib qo'ydilar. Kumush medal. Yomon ema. Kutmagandik lekin!

21:20. Futzalda penaltilar seriyasi...

21:15. 3x3 basketbol. O'zbekiston ayollar terma jamoasi taylandlik raqiblariga qarshi o'yin o'tkazmoqdalar.

21:07. Futzalda hisob hali hamon 3:3.

20:50. Futzal. O'zbekiston terma jamoasi asosiy vaqtda Yaponiya bilan 3:3 hisobida durang o'ynadi. Endi qo'shimcha vaqt ko'ramiz.

20:47. Birozdan so'ng 3x3 basketbolchi qizlarimiz oltin medal uchun Taylandga qarshi o'yinni boshlaydilar.

20:44. Sambochimiz Islomjon Azimov bronza medali uchun bo'lib o'tgan jangda mo'g'ulistonlik raqibini mag'lubiyatga uchratdi va O'zbekiston hisobiga yana bir bronza medalini qo'shib qo'ydi.

20:36. OG'IR ATLETIKACHIMIZ IVAN EFREMOVDAN OLTIN! YAXSHIII!

20:20. Bugungi kun ancha omadli bo'lmoqda. Og'ir atletikachi Ivan Efremov ham oltinga juda juda yaqin!

20:17. Sambochimiz Nemat Yoqubovdan ham OLTIN MEDAL! YAXSHII! U finalda mezbon sportchi Ruslan Esgerovni mag'lubiyatga uchrata oldi!

20:12. Futzalchilarimiz ikkinchi golni kiritib, oldinga o'tib oldilar. Yaponiya 2:1 hisobida mag'lub etilmoqda.

20:10. Ko'z tegmasin, bizning erkin kurashchilarimiz turnirni muvaffaqiyatli boshladilar. 3 nafar ishtirokchi 1 ta bronza va 2 ta oltin medalni qo'lga kiritdi!

20:08. BIZDA OLTIN! Erkin kurashchimiz Bekzod Abdurahmonov finalda eronlik raqibini 6:12 hisobida mag'lubiyatga uchratdi va oltin medalni qo'lga kiritdi. Ishongandik!

19:55. Og'ir atletikachimiz Ivan Efremov dast ko'tarish bahslarida 190kg toshni o'ziga bo'ysundira oldi va birinchi o'rinni egallab turibdi. 

19:52. Birozdan so'ng erkin kurashchimiz Bekzod Abdurahmonov finalda eronlik raqibga qarshi gilamga chiqadi. Oltin medal kutmoqdamiz!

19:50. Kikboks. Javohir Elboev afg'onistonlik raqibini nokautga uchratdi. Muslimbek Omonov esa xitoylik sportchiga 1:2 hisobida yutqazib qo'ydi...

19:44. Futzal. O'zbekiston - Yaponiya 1:1 (birinchi bo'lim yakunlandi).

19:27. Suzuvchilarimizdan yana bir bronza. Erkin usulda suzish 4x50 estafeta bahslarida O'zbekiston erkaklar terma jamoasi finishga uchinchi bo'lib etib keldi va bronza medalini hisobimizga qo'shib qo'ydi.

19:22. Futzalchilarimiz yaponiyalik raqiblariga qarshi o'yinni boshlab yuborishgan. Hozircha hisob 0:1... Yutqizyapmiz.

19:17. YANA OLTIN! Erkin kurashchimiz Mahmudjon SHavkatov finalda qozog'istonlik raqibini mag'lubiyatga uchratdi!

19:15. Og'ir atletikachimiz Dolera Davronova bronza medalini qo'lga kiritdi.

19:13. Sambo. Sarbon Ernazarov finalda turkmanistonlik raqibini mag'lubiyatga uchratib, OLTIN MEDAL sohibiga aylandi. Bo'lar ekanku!

18:29. Medallar jamg'arish reytingida oltinchi o'ringa tushib ketdik. Ammo, bitta oltin bizni to'rtinchi o'ringa olib chiqadi. 

18:27. 3x3 basketbolchi qizlarimiz suriyalik raqiblarini mag'lubiyatga uchratdilar va final yo'llanmasini qo'lga kiritdilar.

18:24. Sambo. Ziyaeva Gulnoza mezbonlar vakilini mag'lubiyatga uchratib, bronza medalini qo'lga kiritdi.

18:15. Suzuvchimiz Artyom Kozlyuk 50 metrga batterflyay usulida suzish bahslarida finishga uchinchi bo'lib keldi va bronza medali bilan taqdirlandi.

18:13. Erkin kurash bo'yicha ham kechki janglar boshlandi. -48kg vazn toifasida gilamga chiqqan sportchimiz Dauletbike Yaxshimuratova bronza medali uchun bo'lib o'tgan jangda qozog'istonlik raqibini mag'lubiyatga uchratib, navbatdagi medalni hisobimizga qo'shib qo'ydi.

18:10. Finalda Rahmatjon Ahmedov mezbon sportchiga yutqazib qo'ydi va kumush medal oladigan bo'ldi.

18:08.

Qudratov Istam kurashsiz bronza medali sohibiga aylandi.

18:03. Lutfilla Saydamatov turkman sportchisidan ustun kelib, bronza medali sohibiga aylandi.

17:59. Ergashev Sattorv qirg'izistonlik raqibiga yutqazib, bronzadan quruq qoldi.

17:58. Samboda medallar uchun janglar boshlandi. Nodira Gulova turkmanistonlik raqibini mag'lubiyatga uchratib, bronza medalini qo'lga kiritdi.

15:04. Tennis. Juftlik bahslarida ishtirok etgan Do'stov hamda Fayziev chorak finalda taylandlik Kavin/Kadchapanan juftligiga 3:6, 4:6 hisobida mag'lub bo'ldi.

14:30. Soat 17:00dan so'ng sambo, 18:00dan so'ng esa erkin kurash bo'yicha medallar uchun janglar boshlanadi. Bugun medallarimiz soni 100tadan oshishi kutilmoqda. Umid qilamizki, bugun qo'lga kiritiladigan medallarning aksariyat qismi oltin medal bo'ladi!

13:55. Medallar jamg'arish reytingida navbatdagi oltin medalni qo'lga kiritgan Xitoy terma jamoasi uchinchi o'ringa chiqib oldi. Biz to'rtinchi pog'onaga tushdik.

13:49. Sambo. Rahmatjon Ahmedov, Sarbon Ernazarov, Nemat Yoqubovlar finalda! Nodira Gulova, Gulnoza Ziyaeva, Sattor Ergashev, Lutfilla Saydamatov, Istam Qudratov va Islomjon Azimovlar esa bronza medali uchun bo'lib o'tadigan janglarda ishtirok etadilar.

13:46. Erkin kurash. Mahmudjon SHavkatov yaponiyalik raqibini mag'lubiyatga uchratib, finalga yo'l oldi. U finalda qozog'istonlik Gabit Tolepbayga qarshi gilamga chiqadi. 

13:34. Kikboks. Jahongir Husanov, Humoyun Farmonov, Muborak Kamolova, Ro'zimurod Turotkulov kabi sportchilarimiz keyingi bosqich yo'llanmasini qo'lga kiritdilar. Umarjon Alibekov va SHerali Musoevlar yutqazib, o'z ishtiroklarini yakunladilar.

13:30. Yana bir erkin kurashchimiz Mahmudjon SHavkatov xitoylik raqibini mag'lub etib, yarim finalga chiqdi. Endi u finalga chiqish uchun yaponiyalik polvonni mag'lub etishi lozim.

13:28. Ayollar o'rtasidagi bahslarda qatnashayotgan kurashchimiz Dauletbike Yaxshimuratova yarim finalda yaponiyalik raqibiga yutqazib qo'ydi. Endi u bronza medali uchun jang qiladi.

13:13. Erkin kurashchimiz Bekzod Abdurahmonov xitoylik va turkmanistonlik raqiblarini mag'lubiyatga uchratib, finalga yo'l oldi!

12:26. -48kg vazn toifasida ayollar o'rtasidagi bahslarda qatnashayotgan sportchimiz Dauletbik Yaxshimuratova vetnamlik Puong Pamni 3:2 hisobida mag'lubiyatga uchratib, yarim final ishtirokchisiga aylandi.

12:19. Ikki nafar sambochimiz Lutfilla Saydamatov va Istam Qudratovlar bronza medali uchun jang qiladilar.

12:01. -74 kg vazn toifasida O'zbekiston sharafini himoya qilayotgan erkin kurashchimiz Bekzod Abdurahmonov afg'onistonlik Farhod Malikzodani 12:2 hisobida mag'lubiyatga uchratib, chorak finalga yo'l oldi. Yaxshi!

11:50. Sanjar Fayziev finalga yo'l oladigan bo'lsa aynan hindistonlik Sumit Nagalga qarshi o'ynaydi. Umid qilamizki, Fayziev jamoadoshi uchun revansh olib beradi.

11:48. Bizda bronza. Tennischimiz Farrux Do'stov turnirning ikkinchi raqamli raketkasi hindistonlik Sumit Nagalga 4:6, 5:7 hisoblarida yutqazib qo'ydi va bronza bilan kifoyalanishga majbur bo'ldi.

11:45. Bugun futzalchilarimiz soat 19:00da yaponiyalik raqiblariga qarshi final yo'llanmasi uchun maydonga chiqadilar. Undan oldin esa yarim finalniing ikkinchi juftligida Eron hamda Afg'oniston terma jamoalari o'zaro hisob-kitob qilib oladilar.

11:41. Sambo. Yoqubov Nemat hindistonlik raqibidan ustun keldi va yarim finalga yo'l oldi.

11:38. Tennischilarimiz Farrux Do'stov va Sanjar Fayzievlar bugun erkaklar o'rtasidagi juftlik bahslarida chorak final o'yinini o'tkazadilar. Ular yarim finalga chiqish uchun taylandlik Kavin/Kadchapanan juftligini mag'lub etishlari lozim bo'ladi.

11:33. Bugun erkin kurash bahslarida uch nafar sportchimiz janglarda ishtirok etmoqdalar. Bekzod Abdurahmonov, Mahmudjon SHavkatov va Dauletbik Yaxshimuratovalar ilk janglarida g'alaba qozonib, ikkinchi bosqichga yo'l oldilar.

11:29. Eslatib o'tamiz, kecha tennischilarimiz mikst bahslarida bronza medalini qo'lga kiritganlar. Sanjar Fayziev va Arina Folclar yarim finalda hindistonlik juftlik Tombare/Vishnuvardanlarga 6:7, 6:7 hisoblarida yutqazib qo'ydilar.

11:22. Sambo. Sattor Ergashev afg'onistonlik raqibini mag'lubiyatga uchratib, yarim finalga yo'l oldi.

11:10. Talablarga binoan Ashxoboddagi turnirda ishtirok etadigan erkin hamda yunon-rum kurashchilarimiz ro'yxatini taqdim etamiz:

Erkin kurash:

Ihtiyor Navro'zov

Umidjon Ismanov

Bekzod Abdurahmonov

David Modzvanashvili

Mahmudjon SHavkatov

Yunon-rum kurashi: 

Nurbek Hashimbekov

Mo'minjon Abdullaev

Elmurat Tasmuradov

Aram Vardanyan

Islomjon Bahromov

Ayollar:

Sevara Eshmuratova

Asem Seydametova

Dauletbik Yaxshimuratova

10:58. Farrux Do'stov birinchi setda 4:6 hisobida yutqazib qo'ydi...

10:55. Sambochilarimiz Sarbon Ernazarov, Rahmatjon Ahmedovlar ilk janglarida g'alaba qozonib, keyingi bosqichga yo'l olishdi.

10:50. Bugun erkin kurashchimiz Bekzod Abdurahmonovdan oltin medal kutamiz!

10:47. Kikboks. Jahongir Husanov afg'onistonlik raqibini mag'lubiyatga uchratib, chorak finalga chiqdi.

10:40. Suzuvchimiz Aleksey Tarasenko 200 metrga erkin usulda suzish bo'yicha bahslari saralashida finishga birinchi bo'lib etib keldi. Endi u kechki payt bo'lib o'tadigan finalda ishtirok etadi.

10:34. SHaxmatchilarimiz so'nggi tur o'yinlarini o'tkazmoqdalar. Yakkalik standart bahslarda bizning "fantastik to'rtlik"da imkoniyat qolmagan. So'nggi turdagi g'alaba ham ularni medal qo'lga kiritishga yordam bera olmaydi.

10:25. Tennischimiz Farrux Do'stov hindistonlik raqibiga qarshi yarim final uchrashuvini boshladi. 

Bugun Ashxoboddagi musobaqada sportchilarimiz quyidagi sport turlarida bahslarga kirishadilar:

3x3 basketbol (ayollar, yarim final, O'zbekiston - Suriya)

SHaxmat

Futzal (erkaklar, yarim final, O'zbekiston - Yaponiya)

Tennis

Kikboks

Sambo

Suzish

Erkin kurash

Og'ir atletika