"ASIAN FIGHT-2017": O'zbekistonlik sportchilar ishtirokida yilning uzoq kutilgan jang oqshomi bo'lib o'tdi

Ushbu jang oqshomida 8 nafar o'zbek sportchisi ishtirokida janglar tashkil qilindi.

Janglarda natijalar quyidagicha ko'rinish oldi:

Kechaning ilk jangida Ayubxon Kamolov hindistonlik Vikash Dahiyani nokaut evaziga mag'lub etdi.

Ulug'bek Umarov esa afg'onistonlik Abdul Sami Faiziga birinchi raunddayoq imkoniyatni boy berdi.

Isroiljon Rasulov Singapurdan tashrif buyurgan Muhammad Kairini nokaut evaziga mag'lubiyatga uchratdi.

Kechaning to'rtinchi jangida Muhammadali Toshturg'unov qirg'izistonlik Bektur Mangievdan ochkolar hisobida ustun keladi.

Hasanxon Baratov rossiyalik Mixail Koldorkinga qarshi murosasiz jangda nokaut evaziga ustun keldi.

Og'ir vaznli sportchimiz Jasur Mirzamuhammedov kiprlik Vartan Aparianni o'zining aniq zarbasi evaziga nokautga uchratdi.

Ahliddin Mirzadavlatov esa muxlislarga tomoshabop jang uyushtirib berdi va qozog'istonlik raqibini nokautga uchratdi.

Kechaning so'nggi jangida esa taniqli sportchimiz Mahmud Muradov ozarbayjonlik Ziya Mirzaevni birinchi raunddayoq nokautga uchratib, navbatdagi g'alabani qayd etdi.