Associaciya rahbariyati "Yangiobod"da kurashchilar bilan uchrashdi FOTOREPORTAJ

Uchrashuv avvalida Birlashgan kurash dunyosi (UWW) vice-prezidenti, O'zbekiston sport kurashlari associaciyasi raisi o'rinbosari Ahrol Ro'ziev associaciyaga yangi rais o'rinbosari etib tayinlangan Nasirxodjaev Farrux Olimjonovichni terma jamoa murabbiylar shtabi hamda kurashchilarga yaqindan tanishtirdi. 

"Sport kurashlariga befarq bo'lmaganim uchun associaciya rahbariyatidan tushgan taklifni bajonidil qabul qildim. Ustozlarimiz Salim Kirgizbaevich va Ahrol Ahmedovichlarni o'rganganlarimizni ish faoliyatimda amaliyotga tadbiq etishga astoydil harakat qilaman. Bir oila bo'lib mehnat qilsak, oldimizga qo'yilgan maqsadga albatta erishamiz. Oldinda Tokio Olimpiadasi kutmoqda. Olimpiya o'yinlarida yurtimiz sharafini himoya qiladigan sakkiz nafar kurashchimizga g'alaba yor bo'lsin. Yaponiyadan medallar shodasi bilan qaytishingizga ishonamiz. Vada berib ayta olamanki, Olimpiadada shohsupaga ko'tarilgan kurashchilarimizni juda katta rag'bat kutmoqda. Birinchi galda xalqimizning xursandchiligi, hurmatli Prezidentimiz SHavkat Miromonovichning ishonchlari. O'z g'alabangiz bilan O'zbekiston mustaqilligining 30 yilligiga sovg'a tayyorlaysiz, degan umiddaman", - dedi F.Nasirxodjaev. 

SHundan so'ng Ahrol Ro'ziev ham so'zga chiqib, terma jamoa azolari uchun yaratib berilgan sharoitlar, hukumat tomonidan berilayotgan etibor, bunga esa natijalar bilan javob berish kerakligini urg'uladi:

"Hozir birinchi navbatda Olimpiadaga jarohatlarsiz etib borish muhim hisoblanadi. Musobaqada natija qila olamanmi, yo'qmi, deb bosh qotirmanglar. Bu narsa zararga ishlashi mumkin. Sport tilida aytganda, sovuq bosh bilan tayyorgarlikni davom ettiringlar. Albatta, mehnatinglar rag'batsiz qolmaydi. Davlatimiz tomonidan medallar uchun mukofot pullari elon qilindi. Hokimliklar, homiylar, associaciya rahbariyati ham chetda qarab turmaydi. Nasib qilsa, sizlarni Islom Karimov nomidagi Toshkent xalqaro aeroportida katta shodiyonalar bilan kutib olamiz". 

Ushbu tadbirda rossiyalik mashhur polvon, yunon-rum kurashi bo'yicha 1972 yilgi Myunxen Olimpiadasining oltin medali sohibi, ikki karra jahon hamda Evropa chempioni SHamil Xisamutdinov ham ishtirok etdi va kurashchilarimizga omad tiladi. 

Uchrashuv yakunida terma jamoamiz murabbiylari hamda Olimpiada yo'llanmasini qo'lga kiritgan kurashchilarga associaciya tomonidan pul mukofotlari topshirildi. Qo'y so'yilib, o'tganlar ruhiga quron tilovat qilindi.