ATP reytingi. Sultonov 107, yana bir tennischimiz 57 pog'onaga yuqoriladi

Quvonarlisi, mamlakatimizning ikkinchi raketkasi Humoyun Sultonov 107 pog'onaga yuqorilab, 496-o'ringa joylashdi. U o'z hisobiga 28 reyting ochkosi qo'shib olgan. Birinchi raketkamiz Sergey Fomin 2 o'ringa ko'tarildi. Ilya Ignatov ham yangilangan reytingda sezilarli darajada ko'tarilishga muvaffaq bo'ldi. U 57 pog'onaga o'z o'rnini yaxshilab olgan. 

Afsuski, Amir Milushev 287 o'rin quyiga tushib ketdi. Uchinchi raqamli tennischimiz Nikita Belozercev 1, Maksim SHin esa 5 pog'onaga pastlagan. Ayni paytda ATP reytingida o'zbekistonlik 6 nafar tennischi bor. 

Dunyo tennischilarining Top-10`taligida bir nechta o'zgarish kuzatildi. Jahonning birinchi raketkasi Yannik Sinner Uimbldon chempionligi himoyasi evaziga o'z hisobiga qimmatli 2000 reyting ochkosi qo'shib oldi. Hozirda uning hisobida 13 450 ochko bor. Finalda Sinnerga yutqazgan germaniyalik Aleksandr Zverev dunyoning ikkinchi raketkasiga aylandi. O'tgan yilgi final Karlos Alkaras jarohati sabab musobaqada qatnashmadi va tabiiyki, yo'qotilgan ballar evaziga 3-o'ringa tushdi. 

Avstraliyalik Aleks de Minaur, serbiyalik Novak Jokovich, rossiyalik Daniil Medvedev va italiyalik Flavio Kobolli bir pog'onaga yuqoriladi. 

ATP reytingi. 13 iyul holatiga ko'ra Top-10:

1 (1). Yannik Sinner (Italiya) — 13450 ochko.

2 (3). Aleksandr Zverev (Germaniya) — 8480.

3 (2). Karlos Alkaras (Ispaniya) — 8160.

4 (4). Feliks Oje-Alyassim (Kanada) — 4740.

5 (6). Aleks de Minaur (Avstraliya) — 4110.

6 (5). Ben SHelton (AQSH) — 3770.

7 (8). Novak Jokovich (Serbiya) — 3760.

8 (9). Daniil Medvedev (Rossiya) — 3670.

9 (10). Flavio Kobolli (Italiya) — 3460.

10 (7). Teylor Fric (AQSH) — 3365…

O'zbekistonlik tennischilarning ATR reytingidagi o'rni:

297 (295). Sergey Fomin — 181 

496 (603). Humoyun Sultonov — 89 (+28) 

746 (745). Nikita Belozercev — 42   

1211 (1206). Maksim SHin — 10  

1795T (1508T). Amir Milushev — 2 (-2)

1910T (1967T). Ilya Ignatov — 1