ATR reytingi. Ikki nafar tennischimizda kuchli "sho'ng'ish". Istomin 143, Fayziev 198 pog'ona pastladi

Unga ko'ra, reytingning Top-10 ligida o'zgarish kuzatilganini ko'rishimiz mumkin. Xususan, 11-pog'onadagi rossiyalik Daniil Medvedev Rotterdamdagi g'alabadan so'ng 3 pog'ona yuqorilab, Top-10 ga qaytgan bo'lsa, 8-o'rindagi kanadalik Feliks Oje 9-pog'onaga joylashdi. Kuchli o'nlikni 1 pog'ona pastlagan Xolger Rune yakunlab bergan. Reytingni hamon serbiyalik Novak Jokovich boshqarib bormoqda. 

Yangilangan reytingda birinchi raketkamiz Sergey Fomin 2 pog'ona pastladi. Tennischilarimizdan eng kuchli pastlash holati Denis Istomin va Sanjar Fayzievda kuzatildi. Denis Istomin 32 ochkosidan ayrilgan holda 143 pog'ona pastlagan bo'lsa, Sanjar Fayziev hisobida 3 ochko qolgan va u 198 o'rin pastga "sho'ng'idi". SHuningdek, Humoyun Sultonov va Maksim SHin ham yangilangan reytingda pastlab, o'z o'rinlarini boy berishganini ko'rishimiz mumkin. 

ATR reytingi. 2023 yil 20 fevral holatiga ko'ra Top-10:

1. (1) Novak Jokovich (Serbiya) - 7070 ochko
2. (2) Karlos Alkaraz (Ispaniya) - 6480
3. (3) Stefanos Cicipas (Greciya) - 5940
4. (4) Kasper Ruud (Norvegiya) - 5515
5. (5) Andrey Rublyov (Rossiya) - 3860
6. (6) Rafael Nadal (Ispaniya) - 3815
7. (7) Teylor Fritc (AQSH) - 3660
8. (11) Daniil Medvedev (Rossiya) - 3250
9. (8) Feliks Oje (Kanada) - 3200
10. (9) Xolger Rune (Daniya) - 3161...

O'zbekistonlik tennischilarning ATR reytingidagi o'rni:

371 (369). Sergey Fomin - 129

455 (451). Humoyun Sultonov - 92

638 (495). Denis Istomin - 43

1113 (1111). Maksim SHin - 8

1363 (1165). Sanjar Fayziev - 3

1508 (1511) Mustafa Do'stov -2

1639 (1643). Aziz Dadabaev - 1

1639 (1643) Rahimbek Ibrohimov - 1