Australian Open. Ayollar o'rtasidagi turnirda ikkinchi finalchi ham malum

Bu baxtli ishtirokchi qozog'istonlik Elena Ribakina bo'ldi. Dunyoning beshinchi raketkasi bo'lib turgan yon qo'shnimiz 1/2 finalda WTA reytingida o'zidan bir pog'ona quyida borayotgan amerikalik raqibasi Jessika Pegulani mag'lubiyatga uchratdi - 6/3, 7/6(7). 

Bu bilan u tennischilarning o'zaro uchrashuvi hisob-kitobida ham oldinga chiqib olishga muvaffaq bo'ldi - 4:3. Roppa-rosa 100 daqiqa davom etgan bahsda Ribakina 6, Pegula 2 ta eys zarbasini amalga oshirgan. Ikkala tennischi ham qo'shxatoga yo'l qo'ymadi. Breyklar bo'yicha ustunlik g'olib tomonida bo'ldi - 4 ga 3.