09 fev 19:38
Yangiliklar

Boks/MMA

Avliyoxon Hamidovning ACA 170 turniridagi jangi jiddiy jarohat sababli muddatidan oldin yakunlandi (Foto)

Xabar berganimizdek, bugun Rossiyaning Moskva shahrida MMA bo'yicha ACA 170 turniri o'tkazilmoqda.

Musobaqaning prelim kardi doirasida o'zbekistonlik aralash yakka kurash ustasi Avliyoxon Hamidov oktagonga ko'tarildi. Yarim engil vazn toifasidagi hamyurtimiz mezbonlar vakili Said-Magomed Batukaevga qarshi jang qildi.

3 raundga mo'ljallangan jang ilk raunddayoq yakunlandi. Unda afsuski, Avliyoxon Hamidov ilk raundda barmog'ini sindirib oldi va jangni davom ettira olmadi. Bu holatda g'alaba texnik nokaut sifatida Said-Magomed Batukaevga yozildi.

Bu Said-Magomed uchun ketma-ket qo'lga kiritilgan to'rtinchi g'alaba bo'ldi.