Avlodlar almashinuvi kechayotgan Qashqadaryo dzyudosi haqida

Bugun diqqat etiborimiz Qashqadaryo viloyati dzyudosiga qaratiladi. SHu maqsadda viloyat dzyudo federaciyasi ijrochi direktori Abror CHoriev bilan suhbat uyushtirdik.        

- Abror aka, Qashqadaryo viloyati dzyudosi haqida gap ketganda, kimlarni alohida takidlagan bo'lardingiz? Kimlar viloyat dzyudosiga tamal toshini qo'yishgan?

- Viloyatimiz dzyudosi haqida gap ketganida, malakali va jonkuyar  murabbiylarimiz - Ulug'bek Pattaev, Bahodir Hojiev, SHavkat Boboyorov, Po'lat Omonqulov, Dildora To'raqulovalarning xizmatlarini alohida takidlab o'tishni istardim. Qashqadaryo viloyati dzyudosiga asos solgan inson esa Vadim Malkov hisoblanadi. Vladimir Felipovichning say-harakatlari bilan viloyatda dzyudo sport turi ommalasha boshlagan.    

- Terma jamoalarga munosib nomzodlarni etkazib berish bo'yicha olib borilayotgan ishlar qoniqarli darajadami? Viloyatdan yoshlar va kattalar terma jamoasida necha nafardan azo hamda nomzod dzyudochilar bor?

- Bu borada selekciya ishlariga jiddiy etibor qaratilgan. Bugungi kunda kattalar terma jamoasiga 5, yoshlar jamoasiga esa 7 nafar dzyudochimiz azo hamda nomzod sanaladi. Ulardan Kamoliddin Rasulov, Bahrom Rajabov, Maruf Hidirov, Nodir Hurramov, Farangiz Xolmurodova singari dzyudochilarimiz ijobiy natijalarga erishib kelishyapti.

- Qashqadaryo viloyatining qaysi tumanlarida dzyudoga etibor nisbatan yaxshi?

- Qarshi shahri, shuningdek, G'uzor, Koson, Qamashi kabi tumanlarimizda dzyudoga bo'lgan etibor talab darajasida. Buning natijasida nomlari tilga olingan hududlardan iqtidorli sportchilar etishib chiqmoqda.  

- Sportchilarning kashf qilinishi va yuzaga chiqishi bevosita murabbiylarga bog'liq. Viloyatda bu masalada muammo yo'qmi?

- Fikringizga to'liq qo'shilaman. Murabbiyning salohiyati yuqori bo'lmasa, har qanday iqtidor ham o'z-o'zidan so'nib ketishi mumkin. Tajribali murabbiylar masalasida deyarli muammolarimiz yo'q. Ular mavjud sekciyalarimizda yaxshi ishlashyapti.  

- Viloyat dzyudo federaciyasi tomonidan murabbiy va hakamlar uchun seminarlar o'tkazib turiladimi?

- Albatta. Bu kabi seminarlar avvaldan belgilangan reja asosida o'tkaziladi. Bundan tashqari, viloyatimizda o'tkaziladigan musobaqalar oldidan ham murabbiy va hakamlar uchun seminarlar tashkil etiladi. Yil boshida O'zbekiston dzyudo federaciyasi Hakamlar hayati raisi Nag'monjon Mirzarahmonov, tajribali murabbiy Kamol Murodov viloyatimiz hakam va murabbiylar uchun seminar o'tkazib berishgan edi. Fursatdan foydalanib, nafaqat dzyudo, balki barcha sport turlariga etibor qaratayotgan hukumatimizga, bizga zarur sharoitlarni muhayyo qilayotgan O'zbekiston dzyudo federaciyasi rahbariyatiga minnatdorchilik bildiramiz.           

- Viloyat miqyosida o'tkazilayotgan musobaqalar etarli darajadami?

- 25 yanvar kuni Qarshi ixtisoslashtirilgan olimpiya zaxiralari maktab internati faollar zalida O'zbekiston dzyudo federaciyasi Qashqadaryo viloyat bo'limining 2019 yil yakunlari hamda joriy 2020 yil rejalariga bag'ishlangan hisobot yig'ilishi bo'lib o'tgan edi. Unda o'tgan mavsum sarhisob qilinishi barobarida yangi yil rejalari muhokama qilingandi. Yillik rejada turli yosh toifasi uchun mo'ljallangan musobaqalar bisyor edi. Afsuski, koronavirus pandemiyasi sabab yuzaga kelgan karantin tufayli hamma musobaqalarni ham o'tkaza olmayapmiz. 9-10 mart kunlari Qarshi tumani BO'SM sport zalida 2005-2006 yillarda tug'ilgan o'smir va qizlar o'rtasida viloyat chempionatini o'tkazib olgandik. 

- Qo'shni Surxondaryo viloyatidan terma jamoada nomzodlar ko'p. SHarofiddin Lutfullaev, Hikmatulloh To'raev... Aslida Qashqadaryo ham kurashchi-polvonlar yurti hisoblanadi. Lekin sizlarda mashhur dzyudochilar kamdek, nazarimda. Bu nima bilan bog'liq?

- Haqiqatan ham dzyudochilarning aksariyati faoliyatini to'y kurashlaridan boshlagan. Endi savolingizga kelsak, hozir bizda avlodlar almashinuvi davri ketyapti desam xato bo'lmasa kerak. Iqtidorli yoshlar etishib chiqmoqda. Ularning asosiy terma jamoaga taklif etilishi va o'zlarini ko'rsatishlari uchun ozgina vaqt kerak.