16 dek 11:56
Yangiliklar

Sport kurashlari

Axrol Ro'zievni tabriklaymiz!

Bugun o'zbek va jahon sportida o'z mavqeyiga ega bo'lgan hamyurtimiz, Birlashgan kurash dunyosi (UWW) vice-prezidenti, O'zbekiston sport kurashlari associaciyasi raisi o'rinbosari, O'zbekistonda xizmat ko'rsatgan sport ustozi, pedagogika fanlari doktori, professor Axrol Ro'ziev o'z tavallud ayyomini nishonlamoqda.

Axrol Ro'ziev 1957 yil 16 dekabr kuni Toshkent shahrida tavallud topgan. O'z umrini sport kurashlariga baxshida etgan hamyurtimiz bugunga kelib uzoq yillik mashaqqatli mehnatlarining samarasini ko'rmoqda. Pedagogika fanlari doktori, professor Axrol Ro'ziev ayni paytda Birlashgan kurash dunyosi vice-prezidenti lavozimida faoliyat olib bormoqda. Sport kurashlari bo'yicha terma jamoamizning bugungi kunda jahonning eng etakchi jamoalaridan biriga aylanishida, polvonlarimiz qo'lga kiritayotgan natijalarda Ahrol Ahmedovichning xizmati beqiyos.

Malumot uchun, Axrol Ro'ziev 2007-2016 yillar O'zbekiston Davlat jismoniy tarbiya institutida sport o'yinlari va milliy sport turlari bo'yicha kafedra professori, 2008-2014 yillarda FILA ijroqo'm azosi bo'lgan.

Faoliyati davomida “O'zbekiston Respublikasida xizmat ko'rsatgan sport ustozi" (2001), ikkinchi darajali “Sog'lom avlod uchun” (1999) va “Fidokorona xizmatlari uchun” (2004) ordenlari bilan taqdirlangan.