Baes xard qoplamadagi ilk ATP sovrinini qo'lga kiritdi

Dunyoning 29-raketkasi bo'lib turgan Sebastyan Baes hal qiluvchi final bahsida reytingning 35-pog'onasida borgan chexiyalik Irji Lexechkani mag'lubiyatga uchratdi - 6/4, 6/3. Tennischilarning o'zaro uchrashuvida argentinalik hisobda oldinga chiqib oldi - 2:1. 

To'qson besh daqiqa davom etgan uchrashuvda Baes 5, Lexechka 4 ta eys zarbasini amalga oshirgan. Bu Sebastyanning faoliyatidagi to'rtinchi, xard qoplamali kortlardagi birinchi sovrini bo'ldi. Baes Uinston-Seylemdagi muvaffaqiyatli ishtirokidan 250 reyting ochkosi hamda 104,460 dollar mukofot puli ishlab oldi.