Bahodir Jalolov Bivol - Kanelo jangida kimga muxlislik qilishini aytdi

Kechaning markaziy jangida rossiyalik Dmitriy Bivol meksikalik Saul Alvaresga qarshi ringga ko'tariladi. 

Olamsport.com sayti muxbiri ushbu jang oldidan Olimpiya o'yinlari chempioni Bahodir Jalolovning fikrlari bilan qiziqdi. 

"Bivol va Kanelo o'rtasidagi jangda Dmitriyga muxlislik qilaman. To'g'ri, Saul Alvares juda tajribali, kuchli bokschi.

Biroq, agar Bivol masofada yaxshi harakat qilib, oyoqda yaxshi ishlasa, raqibni o'ziga yaqinlashtirmasa yuta oladi. Agar yaqin masofada jang bo'lsa Bivol qiynalishi mumkin. 

Agar Dmitriy 12 raund oyoqda yaxshi ishlasa, Kaneloga qiyin bo'ladi. Lekin bu boks, bu erda birgina zarba barchasini hal qilishi mumkin. CHunki, Kanelo oddiy bokschi emas. O'zim Bivolga muxlislik qilaman, chunki u jamoadoshim. Jang qilish uslubi ham, oyoq harakatlari ham yaxshi.

Ammo baribir jangning yakuniy natijasi haqida aniq taxmin ayta olmayman. Lekin, Bivol yutsa yaxshi bo'lardi", - dedi Bahodir Jalolov.