Bahrom Abdumalikov: “Hali atletlar yuz foiz formada emaslar”

Unda jahon chempionlari Ruslan Nuriddinov, Ivan Efremov singari mamlakatimizning birinchi raqamli atletlari ham ishtirok etishdi. Biz musobaqa yakunlari yuzasidan terma jamoa bosh murabbiyi Bahrom Abdumalikovdan intervyu oldik.
- Mamlakat chempionatida yana bir bor sportchilarimizning bugungi holatini ko'zdan kechirib oldik, - deydi B.Abdumalikov. – Polvonlarimiz borlarini berib, natijaga intilmagan bo'lsalarda, biz kutgan harakatlarni namoyish etishdi.
- Olimpiadaga boradigan tarkib elon qilindimi?
- Yo'q, yana yigirma kunlardan so'ng malum qilamiz. Hozircha barcha davogarlar yig'inni birgalikda davom ettirmoqda.
- Hozirgi mashg'ulotlarda ko'proq nimaga etibor qaratayapsizlar?
- Har kuni uch mahaldan tayyorgarlik qilinayotgan bo'lib, asosan harakat sifatlarini yaxshilashga intilyapmiz. Iyul oyining o'rtalaridan esa so'nggi tayyorgarlik boshlanadi.
- CHorvoq sport bazada sharoitlar yaxshimi?
- Sportchilar uchun barchasi muhayyo qilingan.
- Sportchilarning kayfiyatlari qanday?
- Alo. Kezi kelganda aytishim kerak, hali ular yuz foiz sport formasida emas. Bunga iyul oyining o'rtalaridan boshlab kirishamiz. O'ylaymanki, ikkinchi avgustga qadar barchasi biz kutgan darajaga chiqib olishadi. 5 avgust kuni boshlandigan 31-yozgi olimpiya o'yinlarida besh nafar erkak va bir ayol og'ir atletikachimiz Rio-2016 medallari uchun kurash olib boradi.

Ulug'bek Hakimjonov suhbatlashdi, o'z muxbirimiz