Basketbol. Buxoroda bellashuvlar boshlandi

O'zbekiston Barkamol avlod jismoniy tarbiya va sport jamiyati Markaziy kengashi hamda qator mutasaddi tashkilotlar hamkorligida Akademik licey va kasb-hunar kollejlarida tahsil olayotgan o'quvchilar o'rtasida “Barkamol avlod sport jamoalari” sport musobaqalari dasturidan o'rin olgan basketbol sport turi bo'yicha respublika final bosqichi bellashuvlari bugun Buxoro viloyatida start oldi. 

Mazkur final bosqichi Buxoro olimpiya zaxiralari kolleji va Buxoro muhandislik-texnalogiya instituti sport zallarida bo'lib o'tmoqda. Unda Qoraqalpog'iston Respublikasi, Toshkent shahri hamda barcha viloyatlardan tashrif buyurgan jamoalar to'rt guruhga bo'lingan holda musobaqalarga kirishishgan. 

Buxoro olimpiya zaxiralari kollejida o'tayotgan birinchi davra bahslarida Qashqadaryo, Toshkent, Farg'ona viloyatlari, poytaxt jamoalari raqiblariga nisbatan ustunlikni namoyon etayotgan bo'lishsa, Buxoro muhandislik-texnalogiya instituti sport majmuasida o'tayotgan bellashuvlarda asosan  Buxoro, Sirdaryo, Namangan, Andijon viloyati jamoalari etkakchilik qilishmoqda. 

G'olib SANOEV, “Barkamol avlod” jismoniy tarbiya va sport jamiyati Buxoro viloyati mintaqaviy bo'lim rais o'rinbosari

– Barcha jamoalar kuchli uchlik uchun bor mahoratlarini ishga solishgan. SHiddat bilan o'tayotgan ushbu respublika final bosqichda ko'plab iqtidorli basketbolchi-o'quvchilarni ko'ryapmiz. Ayniqsa, Qashqadaryo, Namangan, Toshkent viloyatlari, Toshkent shahri jamoalarining shiddatkarona o'yinlaridan bilish mumkinki, mazkur final bosqichida kuchlilalarni aniqlash oson kechmaydi.

Eslatib o'tamiz, g'olib va sovrindor jamoalar nomi 15 mart kuni malum bo'ladi. 

Ilhom Rahmonov tayyorladi