08 apr 14:20
Yangiliklar
Boks/MMA
Bektemir Meliqo'zievni tabriklaymiz!
Bugun boks bo'yicha XXXI yozgi Olimpiya o'yinlarining kumush medali sovrindori, hozirda faoliyatini professional boksda davom ettirayotgan Bektemir Meliqo'ziev o'z tavallud ayyomini nishonlamoqda.
Bektemir Meliqo'ziev 1996 yil 8 aprel kuni Qo'qon shahrida dunyoga kelgan. Bugungi kun qahramoni o'smirlar o'rtasida jahon chempioni, Nankin-2014 o'smirlar Olimpiadasi g'olibi bo'lgan. Rio-2016 Olimpiya o'yinlarida kumush medali sohibi, ikki karra jahon chempionati sovrindori (2015, 2017) hamda ikki karra Osiyo chempioni (2015, 2017) hisoblanadi. Sport sohasidagi yuksak yutuqlari davlatimiz tomonidan "O'zbekiston iftixori" faxriy unvoni bilan taqdirlangan.
Saytimiz ijodkorlari hamda o'quvchilari nomidan 22 aprel kuni Las-Vegas shahrida meksikalik Gabriel Rosadoga qarshi revansh jangida ringga ko'tariladigan Bektemir Meliqo'zievni bugungi tavallud ayyomi bilan muborakbod etamiz. CHarm qo'lqop ustamizga uzoq umr, mustahkam sog'liq tilaymiz.
Havola :
Manba : olamsport.com
Fikrlar