Bekxem Messi haqida gapirgan "Inter Mayami" darvozabonini klubdan haydadi

"Inter Mayami" xo'jayini Devid Bekxem jamoaning niderlandiyalik posboni Nik Marsman bilan shartnomani bekor qildi. Bunga o'yinchining Lionel Messi haqida aytgan so'zlari sabab bo'lgan.

32 yoshli niderland Messining AQSHga yo'l olishi arafasida quyidagi fikrlarni bildirgandi: 

"Messining harakatlari ajoyib, ammo klubimiz hozir uning kelishiga tayyor emas deb o'ylayman. Bizda vaqtinchalik stadion bor, maydonga odamlar tushib kelishi mumkin. O'rtada hech qanday to'siq yo'q. Mashg'ulot maydonidan stadionga borganimizda hech qanday xavfsizlik tizimi yo'q".

SHuningdek, futbolchi shunday qo'shimcha qilgan: "Umid qilamanki, u bu erga keladi".