Bekzod Abdurahmonov: "Kurashchi bo'lmaganimda, futbol bilan shug'ullanar edim"

Olamsport.com sayti muhbiri Diyor Mavlonov erkin va yunon-rum kurashlari bo'yicha O'zbekiston birinchiligi davomida Tokio Olimpiadasi sovrindori Bekzod Abdurahmonov bilan qisqa intervyu tashkil etdi.

— Bilamizki, siz Tokioda bronza medalini qo'lga kiritdingiz. Parijda esa sizdan oltin kutishimiz tabiiy. Navbatdagi Olimpiadaga esa uch yildan kamroq vaqt qolmoqda, sizning tayyorgarligingiz qay darajada ketmoqda?

— Tayyorgarliklar yaxshi darajada, aynan bugungi musobaqa ham qaysidir manoda Olimpiada uchun tayyorgarlik hisoblanadi. CHunki, haqiqatdan ham navbatdagi Olimpiada boshlanishiga uch yildan kamroq vaqt qolmoqda.

— Sizning ham shogirdlaringiz bormi, ular hozir musobaqada ishtirok etyaptimi?

— Yo'q, hozir o'zim shu sport turi bilan muntazam ravishda shug'ullanib, musobaqalarga tayyorgarlik ko'rayotganim sababli, shogirdim yo'q.

— Bekzod Abdurahmonovning sportdagi va hayotdagi eng oliy maqsadi...

— Sportdagi eng oliy maqsadim, Olimpiadada oltin yutish, hayotda esa xalqimizga chin dildan xizmat qilishdir.

— Agar, Bekzod Abduraxmonov kurashchi bo'lmaganida, biz uni qaysi kasb egasi sifatida ko'rar edik?

— Men futbolni ham yaxshi o'ynay olaman. Menimcha, futbolchi bo'lar edim.

— Bekzod aka javoblaringiz uchun rahmat. Kelgusi ishlaringizda omad.

— Sizga ham omad.