Bekzod Abdurahmonov Olimpiadaga tayyorgarlikni AQSHda davom ettirmoqda + FOTO

Abdurahmonov qisqa tanaffusdan so'ng okean ortiga yo'l oldi va hozirda erkin kurash bo'yicha AQSH, Puerto-Riko hamda Meksika terma jamoalari azolari bilan birgalikda Olimpiya o'yinlariga tayyorgarlik ko'rmoqda. Bu kurashchilarning bari Tokio Olimpiadasi yo'llanmasini qo'lga kiritib ulgurgan. 

Mashg'ulotlarda jahon chempionati sovrindori, ikki Olimpiadada ishtirok etgan, Rio-2016 Olimpiya o'yinlarida hamyurtimiz Ixtiyor Navro'zovga yutqazgan puerto-rikolik Franklin Gomes Matos, AQSH terma jamoasi etakchisi, ikki karra jahon chempioni (Budapesht-2018, Nur-Sultan 2019) Kayl Deyk, jahon chempionatining kumush medali sovrindori Tomas Gilman, meksikalik ayol kurashchi Jeyn Valensiyani ko'rish mumkin. Franklin va Deyk aynan Abdurahmonovning vazndoshlari hisoblanadi.