11 apr 12:57
Yangiliklar

Sport kurashlari

Bekzod Abdurahmonov Tokio Olimpiadasiga boradi. Bu uning ikkinchi Olimpiadasi!

G'ulomjon Abdullaevdan so'ng tajribali erkin kurashchilarimizdan biri Bekzod Abdurahmonov ham Tokio Olimpiadasiga licenziyani qo'lga kiritdi.

74 kg vazn toifasidagi bahslarda yurtimiz sharafini himoya qilayotgan kurashchimiz 1/4 finalda mo'g'ulistonlik Bat Erdene Bayambasurenni 10-0, yarim finalda esa qirg'izistonlik Elaman Dogdurbek uuluni 4-2 hisobida mag'lub etdi va to'rt yillikning eng nufuzli musobaqasi yo'llanmasini qlga kiritdi. Bu Abdurahmonov uchun ikkinchi Olimpiada bo'ladi.

Bekzod Abdurahmonov kechki dasturda Osiyo licenzion turniri oltin medali uchun eronlik polvon Yunus Aliakbar Emamichogaiga qarshi gilamga chiqadi.