Bekzod Abdurahmonov va SHomurod SHofayziev "Oltin mangust" xalqaro mukofoti bilan taqdirlanishdi

8 sentyabr kuni Odessada Xalqaro mukofot - "Oltin mangust-2018"ning taqdirlash marosimi bo'lib o'tdi.

Unda o'zbek sport oilasi vakillari ham tashkilotchilar etirofiga sazovor bo'lishdi.

Yaqinda Indoneziyada yakunlangan Osiyo o'yinlarida oltin medalni qo'lga kiritgan Bekzod Abdurahmonov "Jismoniy tarbiya va sport rivojiga qo'shayotgan hissasi uchun" nominaciyasida taqdirlandi. Qayd etib o'tish lozimki, Jakartadagi muvaffaqiyatdan so'ng endi Bekzod Osiyo o'yinlarining ikki karra g'olibi hisoblanadi. SHuningdek, O'zbekiston sport kurashlari associaciyasi raisi o'rinbosari SHomurod SHofayziev ham "Jismoniy tarbiya va sport rivojiga qo'shayotgan hissasi hamda xalqlar orasidagi do'stlikni mustahkamlayotgani uchun" nominaciyasida tashkilotchilar tomonidan mukofotlandi.

Malumot uchun, "Oltin mangust" ("Zolotoy Mangust", "Golden Mongoose") mukofoti sport sohasidagi "Oskar" hisoblanadi. Mukofot eng yaxshi sportchilar, sport faxriylari, sport rivoji va sog'lom avlod tarbiyasiga o'z hissasini qo'shayotgan biznesmen va siyosatchilarga beriladi. Taqdirlash marosimi har yili o'tkaziladi. Bungacha 180 nafardan ortiq sport oilasi vakili ushbu mukofot bilan taqdirlangan.