Bellator 275 turnirining barcha natijalari + FOTOGALEREYA

"3Arena"da o'tgan turnirning markaziy jangida o'rta vazn toifasi chempioni, niderlandiyalik Gegard Musasi amerikalik davogar Ostin Vanderfordni 85 soniyada nokautga uchrata oldi. Referi Kerri Xetli himoyasiz qolgan Ostinning yuzi achinarli holatga kelmasgini oldini olib jangni to'xtatdi. 

Ahamiyati jihatidan ikkinchi jangda irlandiyalik SHineyd Kavana Lia MakKortni mag'lubiyatga uchratdi. Uch raund to'liq davom etgan jang yakunida hakamlar bir ovozdan mezbon sportchining g'alabasini taminlashdi. Ushbu jangda hamyurtini g'alaba bilan tabriklash uchun Konor Makgregor oktagonga chiqib keldi va mahalliy muxislarning olqishiga sazovor bo'ldi.  

Oqshomning qolgan natijalariga to'xtaladigan bo'lsak, rossiyalik Xasan Magomedsharipov va Vladimir Tokov navbatdagi g'alabalarini tantana qilishdi. Magomedsharipov ispaniyalik Xose Sanchesdan ustun keldi. Afsonaviy Fedor Emelyanenko sekundantligi ostida jang qilgan Tokov esa italiyalik Daniele Skatizzidan ustun keldi. 

Yana bir rus jangchisi Kirill Sidelnikov esa turkiyalik Gokxan Sarikamaga ochkolar hisobiga ko'ra imkoniyatni boy berdi. Tojikistonlik Xurshed Qahhorov texnik nokaut bilan Brett Jonsga yutqazib qo'ydi. Bu uning faoliyatidagi ikkinchi mag'lubiyati edi. 

Bellator 275 turnirida Kiaran Klark Abubakar Tunkarani, Jornel Lugo Brayan Murni, Deyvi Gellon CHarli Lirini, Stefani Lilo Peydj Denni MakKormakni, Derra Kelli Junior Morganni, Natan Kelli Skott Pedersenni, Li Xammond Jeymi Xeyni mag'lubiyatga uchratgan.