Bellator 288 kardi rasman tasdiqlandi. Nurmagomedov kamar uchun oktagonga chiqadi + POSTER

Bellator 288 turnirining markaziy jangi yarimog'ir vazn toifasida amaldagi liga chempioni, rossiyalik Vadim Nemkov hamda kamar uchun majburiy davogar, amerikalik Kori Anderson o'rtasida o'tkaziladi. 30 yoshli Nemkov 14 g'alaba (9 nokaut) va 2 mag'lubiyatga ega. 33 yashar Kori esa 16 g'alaba (8 nokaut) va 5 mag'lubiyat (4 nokaut) qayd etgan. 

Bellator 288 oqshomining so-main event jangida engil vazn (70,31 kg) toifasida promoushen chempioni Patriki "Pitbul" Freyre mag'lubiyat va murosa nimaligini bilmay kelayotgan Usman Nurmagomedovga qarshi oktagonga ko'tariladi. Usman MMAda o'tkazgan 15 jangining barchasida g'alaba qozongan. Freyre hisobida esa 24 g'alaba (16 nokaut) va 10 mag'lubiyat (3 nokaut) bor.   

Bellator 288 turnirining to'liq kardi:

Asosiy kard

Vadim Nemkov — Kori Anderson

Patriki Freyre — Usman Nurmagomedov

Daniel Vayxel — Axmed Magomedov

Tayrell Fortun — Deniel Jeyms

Roman Faraldo — Levan CHoxeli

Prelim kard

Otto Rodriges — Xasan Asxabov

Lukas Brennan — Nik Televera

Imamshafi Aliev — SHon Fellon

Archi Kolgan — Jessi Xannam

Jeylon Beyts — Jornel Lugo

Jordan Nyumen — Jeyden Tolker

Isaiya Xokit — Matias Neyder

Vlad Guvea — Kori Megenburg